إجمالي مرات مشاهدة الصفحة

الاثنين، 21 أكتوبر 2013

مبقاش كتير فاضل

.مبقاش كتير فاضل..

اول درس علي السبورة
مين هيقولي علي الحدوته
انت ياض منك له..وانتي يا ابله
فين كراستك ويا الصورة
فين البسمه فين الضحكه
فين الدمعه اللي بتفرح
شكلها تاهت بالشبورة
انهي الدرس يا استاذ
اصلي زميلي راح ولا جاش
مبقأش كتير فاضل
غير شويه نور
بالسما سارح..
مبقأش...مبقأش
غير عيون فيها الحزن طارح....
مبقأش فيها رجوع
بزمن ألاهود لو حتي هموت
او اتصلب..او قطر ف سكته
بلحمي يفرتكه... اهو كله موت...
منا حظى من الدنيا أخدته
الم....وخوف
وضرب من تحت لفوق...
مبقاش..ليه غير صوت
يا دوب...من الندا مبحوح
وهدمه.مترقعه
من ألآسي..واللوم
أمتي الشمس تطلع
وتبدر..خيوطها بالكون
امتي الفجر يشقشق
ويعلا ألآذان بالصوت
حي الفلاح..
يتصلح حال القوم
مبقاش كتير فاضل
من عمري
الآ الصوم....
mahmoud aly
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)