إجمالي مرات مشاهدة الصفحة

الاثنين، 28 أكتوبر 2013

اذن يا بلال (للمسابقه)

..............................أذن يا بلال
وفين انت وفين احساسك
المداري ورا عقلك اللي كله متلغبط
ومتكعبل بسراب ليلك
المتلون بالوان مش واضحه
ولا باين غير ملامح ضلك علي الحيطان
مسجونه بسراب باوهامك الدايبه
وفين انت وفين قلبك
وهمك اللي بيرضع من سحابه
صيف مرسومه علي ضلعك
وفين وعدك الموشوم
وفين مبداء اللي يقول
انا عشقك...
ويهمك بايه اكون ماضي.
اكون ذكري اكون كلمه بكتاب مقفول
اكون ورده بتطرح شوك وايه همك.
طالما عيونك مش شايفه
طالما قلبك مش حاسس
عيزني ازاي اكون ضلك
وانا جنبك. ولا ليه وجود
 ولسه باقي علي ألآذان راجل هٌمام
مستني اشارة للمرور وقت الظلام
اللي سرح من غير ميعاد
لسه معاده علي الورق قبل القلم
م يعلن انتحار السطور
قبل الولد اللي ايده بالسما
مسكت كل النجوم
واتبعترت سلاسل من الهموم
علي المأذنه
واللي صابتها الذهول
من طير عَشش بالقلق
طلعو فراخه علي ضوء النهار
قبل الغرام م يعلن وجوده علي الملاء
لسه الامل فارد ذراعه لجيوش ألآرق
لسه باقي من الغطا فرع شجر
اتلون بلون السماء اتجرع كاس المرار
راح المطر وقت هروب الامكنه
ويا الضباب كل السلاسل اتجرعت دماء..
وصوت ألآذان م انكسر
لساه بلال...................باعلي صوته
بيصحي فينا ألآمل اللي اتوجد بكل أذأن
الله اكبر..
مهما كان المعتدي
mahmoud aly
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)