كبسوله في كبسوله

في الباب الخلفي للحزن
انياب شَرسه
بتاكل اوجاع كات هايمه
بتنضال لاجل تكون واقفه
علي شيء واقع..
الباب الخلفي بيداري
بيصلي ويدعي ويسامح
ويكبر بادين رافعه
لينسي الماضي.
الباب الخلفي اوكرته ضايعه
خالف كل شروطه المصطنعه
اتسرسب من فتحه قلبه ضوء شارد.
mahmoud aly

 برغم فرق السن والشيبه
غَيرت معالم كنت باخفيها
قدرت اشوف برغم ضعف
الرؤيه بعيوني لمسه احساس
طاوعت نبض القلب بجنونه
خدت الامر .اِتفتحت ابواب كانت مقفوله
ومشيت حافي علي الاشواك بسهوله
لآتعلم من جراح الناس ازاي ينداس
من بعد ما كان الورد في جناين قلبي مقبوله
وعطرة بميدان العشق كان وناس...
برغم فروق وعادات مقلوبه
تركت القلب في الهوا يختار...
mahmoud aly

لو كنتي قريتي لاخر سطر
او كنتي زرعتي شويه صبر
كان ممكن تلقِي النجم
منور ليلك وراسم جنه ف قصر
لو كنتي استنيتي شويه
كان ليكِ في عز البرد
قلب وحضن.
وبدل الدمع يتبدل فرح..
ولاني فشلت اسكن قلب
مليان اشواك
متعود بس يكون غدار
قررت اقاوم بحر عيونك
من اني بلحظه اكون غرقان
ولا الاقي شط...
mahmoud aly

 الا يعني زعلتي
ورجعتي بالخطوة كما كنتي..
وبقينا مجرد اصحاب
ولا تفرق..
مش هفضل راكب بسفينتك
دي سفينتك رسم ف اوراق
مكنتِش نجاة..
ولا كانت ايدك يوم مجداف..
حرمت خلاص
اسند عل كتفك
انا قلبي براح رغم عنك
انا شعله نار...
وقراري يا حلوة من راسي
لو حتي شوفت ف مأسي
مش هحتار...
زعلك عادي ملوش قيمه
مطرة قبلها غيمه
بعديها استقرار..
mahmoud al

الرساله واضحه جدأ

الرساله واضحه جدا
انت تقتل ف مشاعري
وانا امشي ب جنازتي
واللي بيني وبينك
عقله شاتت....
مش هفارق
روحي دايما فيك تخانق
والمقابل قلب جامد
قلب فاتح شراعه
قلب لونه قلب عادي
لونه ابيض مش رمادي
لو هترضيَ
مش هراضِي فيك واعاند
اصلي غاوي
غاوي اشرب من ضلوعي
غاوي اجدد في طموحي
ابقي عازف..وابقي راقص
وابقي حاوي
وان زودت في حدودك
اكيد هخاوي
مش هتِسلم من جنوني
واسئل عني في المقابر
كله مني في نومته دايخ
كله في قلبه 100 مصارع
لو يصارع...
mahmoud aly

متزودش الاحتفال

متزودش احتفالكم
بسرد الانجازات
موتي ان كان طلبكم
ف انا اتمنيته زمان
كنت ببلع ف المواجع
وانشر ضحكتي سكات
لا عمري كنت خانع
ولا بودي جارد ف حانات
انا في الاصل ضايع
من حُكم الباشاوات
متزودش في همومك
وترقصو بالصَجات
واوعو تقولو خانتكم
ترديد عني الاشاعات
انا حد عادي جدأ
بقضي حياتي اشتغالات
اشوف السمش افرح
واداري في اى مطرح
لآفضفض بالاهات
mahmoud aly

قصفات

ليه مصممه
ترمي السكوت بالكلام..
ف يصبني الخرص؟
قصدك كده..
ولا انتي غاويه كبح الغرام
يروح خلاص
ينفع كده..
من بعد فرشي بالغطا
من بعد سهري ويا القمر
صابك العميَ
واخدتي القرار...
mahmoud aly

 تلك الممارسات
لم تكن سوا حفله شواء
وبعض من مشاهد الاغراء
نلك راقصه
واخري تتعلثم كيف تكون داعرة
ومجموعه هواه
وكادر يسرق احلي اللحظات
يوصف المسخرة..
وما ذال العرض مستمر..
mahmoud aly

 بادِعي اني م الاوليا
ومكشوف عني الحجاب
ووقت اللزوم
ملك من غير جناحات
ده قولك
وده عهدك
تفرعني في الساده
وتشبهيه ب ألاله
mahmoud aly

 مش هقدر اوفي بوعدي
واشكيلك م الايام
انا يمكن اكون دلوقتي
بقيت اصعف من ارمي سلام
نسيت في الزحمه كتير حالي
نسيت واخدت ف بالي
لو ينفع... اكتب ف غرام..
مش هقدر.......
ومين يقدر.......
يعيش انسان
mahmoud aly

يارب

مش هَدعي زي كل يوم
ولا هطلب دعم مادي
اساسا مش محتاج اصلي
هبعت الروح ووراها قلبي
يمكن نلتقي هناك..
مهو لو شافوني يم المسجد
هتصورني كاميرة ألآمين
وياخدوني تحري....
يارب انت مش محتاج اصلا لعبيد
انا اللي محتاج اتولد من جديد
بزمن غير زمني..
يارب عجل ب الُلقا
احسن م اتزل واستنيِ
يارب.ده مش خروج عن النص
ولا عمري عنك اتخَليِ...
mahmoud aly

مِدفيِ ومكلفت احلامك
خايف من برد... ينخر في عظامك
بتشحت م الورد..عطر جنابك
بدون تفكير
مستني الصبح ينور ايامك..وانت "عويل"
طرقع يا عم ب لبانك
واتحرش مرة مع ذاتك...وخد تأجيل
mahmoud aly

 هتقدر تخَطيِ
...هتقدر تعوم
وتقدر تنادي
....وتقدر تقوم
بس انت تقرر
.....تخف النوم
mahmoud aly

 لآ تأملِي
ان استعيذ
من برأسي..
فسُكانها
ملاعين..!!
كيف لهم
ان يتركوني
وقد طوردو
لِكبرهما
ان يسجدو
لي.....""
دعيهم وشأنهم
ودعيني الي حِين
فقد مسني العشق
وحُرمت من الحنين...
mahmoud aly