وان كنت يعني بتحبها ايه الجديد..؟
الحب مش كلمتين حلوين
الحب مش رعشه ادين
ولا تسبيله من عين وعين
الحب مش حضن وخلاص وقت اشتياق
ولا بوسه جايه خطف  وانتم بميكروباص
الحب انها تحس بيك
انها تسمع منك كلام مفيد..
الحب روح طايرة بعيد فوق منها
حرثاها من نفسها لما يكترو الذئاب
الحب انك تطنش ساعات
الحب انك تمشي من سكات.
لو مفهمتش ان كلامك يخصها..
mahmoud aly

صلي ركعتين لله
تلاقي الراحه قدامك
والباب ان كان موارب
هيتفتح يوم قصادك
وتنسي كل اللي غاب
او مرة بقلبك يلاوع
وخالف الوعد معاك
mahmoud aly

نويت

 اتوه بسكه

أنسي فيها

 اي رجوع

وامسح

 كل ذكري

بتفكرني

 الخضوع

وهملاء 

غيابك

بقلبي اللي

 حبك

وابني صروح

هنسي اني عايش

واني فـ  يوم قابلتك

 

بحبك

بحبك

وعمري اللي ابتدا بين اديكي هو الدليل

بحبك

بحبك

 يا غنوه بقلبي ولحني الطويل

بحبك

بحبك

يا اجمل حكايه ده نظره  عنيكي تشفي العليل

بحبك واملي تكوني البدايه ونهايه لوجعي بنص الطريق

ونجمع قلوبنا ده نار اشواقي ببحرك غريق

بحبك

بحبك

mahmoud aly

هذياااااان

لحظه ميلاد القمر
اتبعترت نجوم الحب بالفضا
وقت هطول سيل المشاعر
م اتحجرت جوه القلوب
يمكن كده ...
ويمكن كمان اتمردت كل الحروف
وقت الخريف م اعلن علي الملاء
نقص الندي علي اوراق الشجر..
يمكن كمان لون السحاب
عكس صور قلوب متشعلقه
علي خد القمر.....
mahmoud aly

انا ممكن اصدق ان بكرة
احسن م امبارح...
لو قلتي فعلا اني كده عايش...
ولمسه ايدك بعنيه
الاقي للفجر ملامح..
mahmoud aly

سيبي بكتابك خانه
وسجلي بكل أمانه
اللي ارتضي المهانه
وسلم رقبته للنظام
mahmoud aly

  مُغرم وجع
وعمري ناقص منه الشجن
صاحبي الخريف
وقت اللزوم يقلب شتا....!!
mahmoud aly

هصدق مين يوماتي بنام

 وانا قلبي شايل م حد
يمكن من كلمه بقولها

 ولا كنت انا متعشم جد
انا عايز مصاحبش...
هصاحب قلمي وكراستي
وسجارتي مع فنجان 

قهوة واسهر للصبح
مش عايز اتعرف بالناس
ولا عايز الناس تعرفني...

انا اصلي بالحب اناني
وبالعند م توصاش..
بتالم من حد بيخدع..

واكرة..

 وقلبي بيَسود..
mahmoud aly

خليك ثابت........
واوعي تخلي حد يشمت فيك
خلي العالم من حواليك......
يتعلم منك سر صمودك
انت الاب الروحي للآجيال .....
انت النجم الساطع بكل مدار
انت الدار لكل جروح الصبر...
وانت الصبر الموصوف لكل ضلام
انت الباكي علي لياليك المسجون فيها..
وانت الضاحك للمغروم دايما ليها
انت الابن البار..
انت الساجد للجبار..
انت الداعي بالاسحار للي خان...
انت الشاكي والمشكوك فيك......
انت الطيبه بكل م فيك..
انت الساجن والمسجون..
أسدأ انت... وزئيرك موت...
mahmoud aly

مش كل من سهر
الليل يشتكي الاوجاع
ولاكل من ركب البحر
بقي قبطان
ولا كل بنت جميله
بالهوي تتباع
مش كل رسمه قلم
وقت المحن
تتغني بألافراح
وانا اللي عايش غلط
متلغمط بألآوحال
يا دنيا يا أم العجب
امتي اعيش مرتاح
mahmoud aly

واعيش ازاي وحلمي
بالفضا م كملشي
اقول الاهـ .وصوتي
لسه..م وصلشي
تكون زعلان.......؟
تكون حيران.......؟
اديني نظرة من رمشك
اكونلك طير وعلي جناحي
ألف الكون ولا اتعبشي
واكمل حلمي وانا جنبك
mahmoud aly

وليه حطه ايدك علي خدك
والدمعه من عينك نشفت
ميكنش جالك خبر أني مُت؟
يا مه والله بيتهيئلك..
اوعي الوهم يصورلك
ان ممكن رصاصه تقتلني
انا حي يا مه ممتش
انا حزني والله عليكي
م تشيلي يا مه همي
ده انا راضي بمكاني
وصحبتي يمه مأنساني
انا زعلي عليكي انتي
وكل اصحابي وجيراني
ابوس ايدك يانور عيني
تسامحيني وتدعيلي
وان حد جالك يعزيكي
قوللهم ابني حي مش ميت
وازاي اخد عزاه.
وهو بالجنه مثواه..
يارتني يابني اكون جنبك..
mahmoud aly

شوفت البت أم ضفيرة
وقت العصر وهيه بتلعب؟
حاجه عجيبه...
خلت كل ولاد الحارة
ع طول تصقيف..
جابت نجمه ورسمت دايرة
وفضلت تجري من حواليها
وكل ولاد الحاره يقولو أمين
منتي الشاطرة
وانتي الفاهمه
وانتي الحلم
اللي شاغل بالنا
مهما حتي تضربي فينا
وخديي كمان ام عنينا
مش عايزين نشوف غيرك
مش عايزين غيرك لينا
وادبحي يلا
ولا تسمي يا حلوة علينا
مهو بايدينا مشينا وراكي
ودي اخرتها
اني مصدق حبك لينا..
mahmoud aly

وليه تكون مُطر تفك ألغاز...
وانت بالاساس لغز متحير..
تقول الكلمه م الاول

 والرد يكون اقوي من ردك.
وحاسس احساس متنور.

تحب تدي ومتخدش.
والطعنه جايه اقربلك..

 وضهرك دايما متعري..
ودي من طيبتك..

 وسؤء الظن مش عندك.
وعندك ايه م القرءان..وماشي عليها وده امَلك..
يكون الكل كده زيك..
بتحلم وحلمك مش مظبوط..
الدنيا فيها لون ع لون..
واللي عنده دم ..احلي م اللي عنده فلوس..
عيش فقير ومُت فقير..وده أكرملك..
mahmoud aly

ومين تاني
بالسجون
م طلعش
غيري أنا..
وانا المسجون
بقلبك بقالي سنين
ولا بيوم عليه حنيتي..
بقوم الصبح ذي كل الناس
وأدعيلك.
واسقيكي رضا واحساس
واعملك بخدي مداس..
ورقيتك بضيا عيني....
ظلموني كتير اجناس..
ومكتوبلي برده أغنيلك..
رويتي ألارض بدم شباب
ورفعتي الواطي م الساس
وبالعالي وطتيتي.....
رضيت اعيش كده احساس
م هو انتي اللي ربيتي
م هو انتي اللي ربيتي
mahmoud aly

ولما الضحكه تشاورلي.
اقول ده حلم

 ولا بيتهيئلي
وافضل الف حولين نفسي.
وازاي اصدق احساسي .
معقوله تكون قصداني..
الا يعني كنتي فكراني..
منا قدامك م ألاول..
بلاش تخليني

 اعيش أوهام
وازرع ورد ب البستان
لو مرة جيتي علي بابي..
انا اصلا واد فقري...
والنحس اساسا ملازمني..
خليني عايش كده مبسوط
انا والدمعه وألآحزان..
mahmoud aly

هصدق مين وبنام يوماتي

 وانا قلبي شايل م حد
يمكن من كلمه بقولها

 ولا كنت انا متعشم جد
انا عايز مصاحبش...
هصاحب قلمي وكراستي
وسجارتي مع فنجان القهوة 

واسهر للصبح
مش عايز اتعرف بالناس
ولا عايز الناس تعرفني...

انا اصلي بالحب اناني
وبالعند م توصاش..
بتالم من حد بيخدع..

واكرة.. وقلبي بيَسود..
mahmoud aly

علي فكرة فينا حاجات

 كتير من بعض
بنقرب.وبنفس الوقت بنبعد
خايفين القرب يوجعنا..ومنكملش
شبه الليل المتأخر
ساكن جوه بقلوبنا....م بيقربش
شبه الحرف الواقع بنص السطر
لا منه الكلمه بتكمل
ولا جامع اسمين مع بعض
انا وانتي بطريق واحد
انا وانتي..... ضد وضد
لكن بنكمل ناس تانيين.
مهو الحب م الاخر
مخده بتجمع اتنين
مختلفين عن بعض
mahmoud aly

فوضوه............

فوضوه
فوضوه لاجل يُعم الامان
وانه يقضي ع ألارهاب
وان طلب اكتر اكتبولو
شيك علي بياض
ادعولو بالثبات وقفو وراه امام
وامموه بالدعاء واوعو صوتكم
يبقي عال اوعو تطلبو رغيف
يكفي نظرة من فريق
احلمو يبقي رئيس
الرياسه شيء اساسي
حلم عاشه من سنين
وانتم شعب أخر طيابه
اللي يطبطب عليكم

 اخرة
تقولو اصله كان ضعيف
ومبارك اللي كان ناهبكم
صورته نزلت ب التحرير
فينك يا 25 يناير
باعوكي بالرخيص
واللي ولا مرة حارب
اترقي وخد مشير
والشهيد دمه راح
بس حقه مش مستحيل
mahmoud aly

مين غيري يقدر...

ومين منا مش مجروح......... .وكل الجرح بقلبه مطلعهوش
ومين كان كده نهايته. يداري دمعه علي خده ومتفضحوش..
ومين.. اللي ابتدا عمرة. يسابق كتير حلمه ولا يسبقهوش..
ولا كان الهوي ذنبه..... ولا كان العشق يتمني ميسبهوش..
مين.مين اللي رسم حبه وكل طريق يندهله ولا سمعوووش
مين غيري يقدر يتحدي.. يجبلك من القمر ضيُه ولا ترفضهوش.
مين...
mahmoud aly

محتاجه كام دليل.
وبعلو صوتك تناديني وتخديني بحضنك !!
هو انا مش ابنك؟
كدبي اٍي اٍشاعه
وخليني ورا ضهرك...
وان غصبو عليكي قولي مش ابني !!
ولا لونه من طاميي
ولا دمه شبه دمي
ولا شرب من همي!!
وازاي يكون مني وهو اللي قطعني !!
لا.......
لا.......
ده مش ابني ولا عمرة هيكون ابدا مني!!
mahmoud aly

بأمر مين
تقول.. انك أمين
منتش أمام..ولا رسول
ولا من ألاوليا م المعدودين
انت يا دوبك تحَلي بكلامك
وبسهوتك يزيد جمالك
يفرحو بيك المغفلين
انت مين...
انت واحد راكب شيطانك
والعقل عندك مكان مداسك
وعامل فيها واد رزين
انت مين .. mahmoud aly

خربشه علي جدار القلب

م تيجي نتفق
ولا مش لازم.. خلينا مجانين..يمكن نعيش.....
يمكن نشوف الصبح عادي..
ويمكن ألاقي جواكي وطني اللي ضايع... يمكن
يمكن اصعب عليكي..ولا م اصعبش....عادي.....
يمكن اشوف بعنيكي الماضي..واتحسر عليه...يمكن برده..
كل شيء ممكن لو حبتيني بأخلاص..
بس أمانه عليكي..لو لقيتي انسان..بلغيهم عني السلام...
سلام......
mahmoud aly

 ومين يقدر يوافيكي
وانتي اللي بأديكي
ضماني قوي بحضنك
ومين يقدر يعاديكي
وانتي اللي ف عنيكي
شايلآني ف النني...
مكتوب علي كل وريد
لازملك تجديد
من اللي خان عرضك
mahmoud aly

 ماشي عكس ألآتجاه
راسم حدود المكان
رامي بحضن ألامنيات
كل المواجع بالطريق..
**
mahmoud aly

 كل حاجه
جواها حاجه
والحاجه أم ألآختراع...
ترسم دايرة...وتدخل فيها..
ترجع مخاوي..وترمي بياضك بنص الطريق..
تحلم ..تفكر.. تخرج لبره..مفيش صديق..
ترمي همومك.. وتزود بخوفك.. يسكنك الضيق..
وكل حاجه...لآزمها حاجه...محتاجه ضمير..
mahmoud aly

 لَمو الدموع منك غصب
وتاهت بـ الطريق احزان
ورسمو الضحكه بعيونهم
ورقصو رقصه الموتا
ووزعو ألاكفان...
وام مكلومه
وطفل رافض ألآحلام
تكون مهتوكه ألآعراض
ووطن مبتورة أقدامه
بيحبيٍ كما ألآطفال
لدفيء يدفيء بعروقه
لحضن يجمع ألآشلاء
mahmoud aly

 لآ تجبروني علي غزل
خيوط العنكبوت فأس لآدفن ذكرياتي
وأرطب عليه من قطرات شفاهي تراتيل
لآ تجبروني أن أبتسم والربيع لم يأتي ألآ بخريف
يحُصد..يُشعل..أعواد الياسمين...
mahmoud aly

 انت شيطان
وحارس
شويه سفاحين
انت مين..
انت خُبث الله بأرضه
ملعون ف كل دين
أنت مين..
انت خاين لكل وطنه
واللي بيقتل ألآمنين
mahmoud aly

 جاري انقاذ ما يمكن انقاذه
من دقه قلب مشتاقه
من ضلع فاقد اوجاعه
من هجر طال للقائه..من بعد غياب
mahmoud aly

الحريه لروحي
المتشعلقه
علي شباك أزاز
عماله تتنطط
والضباب راسم
مشنقه
والمشكله
اني فقدت الرويء
فقدت الممات
كنت بحلم اني اطير
ذي عباس زمان
وقع...مات
والفكرة ابدا لم تنتهي..
كنت بشوف عصفور الجيران
جوه القفص..وصرخته
كانت ليها الف سبب
والسبب ان ريشه
وقع...من محاوله هروبه
من الشباك..اللي شبه شباكي ألآزاز
لسه بحلم
والحلم منتهاش...
mahmoud aly

لما عني تغيب
تاخد قلبي وعقلي وفكري
تاخد كل النبض وتسبني أعاني
وتاخد اسمي برضو معاها..
ابقي مجرد م الآحساس
ابقي حاجه كده ع الهامش..
ابقي بحر من غير ميه
وابقي كمان شجره فاضيه من غير اوراق
ابقي دمعه سخنه بعز البرد
ابقي وابقي...وابقي كل تناقض ميحبوش بعض..
بس عايش من غير روح... اكون كده مُت...
mahmoud aly

واهم نفسك انك تقدر تمسك
نجمه وتحبسها متشوفش النور
تبقي عبيط
وفاكر كل نجوم السما
هتسيبك تفلت منها..
ارجع مرة لسنين فاتت..
فاكر لما حاولت
تعمل شبكه وطلعت لاعلي
دور بعمارة جارك..
واستنيت..لوقت الفجر.
حصلك ايه ؟
كل ولاد الحارة
بلغو عنك..انك مجنون
وسبكت الدور..
ورجعت كانك علي مسرح هزلي
واقف بطابور..لاجل تاخد كام ملطوش
تاكل منهم ..وتدفع ايجار اوضتك ع السطوح
اللي يا ما شهدت حلمك
انك تكبر وتبقي مشهور
mahmoud aly

رغم اني ساجن
نفسي جوه زنزانتي
بتنفس غبار الضحكه
من قلبي....!!
وايه يعني....!!
منا متعود...وسجاني اسمه
كما شكله البهتان
والنبض كما الساعه. مضبوط
والضغط بالسحاب هربان..
ومتلون بلون الغيم ..مٍديٍ علي سواد
كما الشريان...
انا ايه..ومين يحكم..
ومين يرفض شروق الشمس ع الغيطان
ومين يحكي غناوي عم ابو شعلان
وقت حصاد الدمعه من شجرة صبار ...!
والخولي ابو كرباج..م بيرحم عيدان الفل..
لو فَتحت قبل أوان.....
mahmoud aly

كنتي واعداني انك تيجيني....
بعد العصاري نشرب شاي...
كنت مستني معاكي الصحاب...
بعد وقفه بالميدان.....
كنت حاسس احساس غريب..
كل دقه بقلبي كانت صويت..
يمكن مشاكل بالوريد...
ولا دي عادتي لما عني تغيب...
تاهت منك خطاوي ...
ولا تهتي بالطريق....
احساس غريب......
يمكن شوفتي فيلم هابط..
ولا شافك أي ضابط....
وقالك علي فين..؟
ولا كنتي رافعه يافطه..
حره بزمن العبيد..
كنتي صابرة من سنين..
دمعك جوه منك كان انين..
ومكنش واضح..
ليه دايما خدك فاضح..
خرايط منقوشه بالف ايد..
mahmoud aly

نزلوها غصب عني
شدو باديكم الجفنين
دمع قلبي جوه رافض
كل يوم يسقط قتيل
اسحبوها نقطه نقطه
واروي بيهم كام شهيد
وان لقيتم دمعي ناشف
خدو دمي سلسبيل
نزلوها وارحموني
او اخلعوها كرابين
لآجل م اشوف المدامع
طفحه ف كل بيت
mahmoud aly

ف الفرحه والحزن معانا
بـ ملامح تشبه اوجاعنا
والدمعه شايله جوانا
سر ملازم مشوارنا
بتجمع وتفرق فينا
وساكنه دايما مدامعنا
mahmoud ally

ظالم ليه حتي بقلبك
بتحكم فيه كأنه منك
عايش دايما خيال الوهم وماسك فيه
حاسس ليه احساس الغربه
وانت وقلبك اصلا مغتربين
لامس كل حاجه بأديك
ومفيش النبض اللي يدلك علي خطاويك
احلم بس وعيش اخطاره ولا تتمني تكونله حقيقه..
مش راح تقدر توفي وعود مهما الجن يكون مخاويك..
اظلم تاني وتالت عيش الظلم بكل كيانك واوعي بيوم تقول حبيت..
mahmoud aly

الحلم اللي صاحي
بينخر بعضمي
قالق منامي
و مديني عرض ضهره....
أمتي يا سيدي
اشوفك لو تنافق
احس بيك
واكونلك فايق..
واحكي وتحكي
عن ثورة قامت مرة زمان
وعايش لسه فيها..بجني ثمارها.
بحصد نفاقها..لوقت التلاقي.....
بنفس الميدان.بترقص أفاعي
ونسوا عم عفت وحقه اللي ضايع
وجيكا لسه دمه مبللل التراب
مستني يوم الخلاص
والقصاص لسه غايب.......
يا ثورة كنتي خاينه..
وكفرتي الولاد........
ونسيتي ان هما. اشعلو بيوم الميدان
مخطوفه برضاكي من فلول النظام
وراضيه انك تعيشي ذي النعام..
mahmoud aly

فلاش باك

بفكر دايما ان اعمل فلاش باك
والاقي حاجات ضاعت مني
لما كنت بيوم واد شاب..
انا عايز اعدي المرادي قدام بيتها
واتنح قوي بعنيها..واخد منها لبكرة ميعاد
انا عايز اخش الكليه..علشان اعرف اتعامل
واقدر اروح بيتها واخطبها..مهو كان شرط ابوها
اني ادخل جامعه واتوظف....
انا عايز مرة يكون لي ورد..واتقرب بصلاتي لربي
انا عايز امشي بالشارع محبوب م الناس
مش واقف علي ناصيه شارع
وبعاكس ببنات الحارة
انا عايز لما اكبر وتتغير ملامح وشي
الاقي النور عاكس صورتي..
انا عايز اموت مرة بحلمي...
وارجع تاني فلاش باك..
mahmoud aly

لسه طمي ألآرض ناشف.
محتاج همم ناس كتير
والولاد اللي عرقهم.......
يروي عطش السنين
اللي فاتت واللي راحت.
واللي استولها العبيد
لساه الدود فيها سارح...
قاطع عليها الطريق
رابط بزمام النواصي.......
ضارب بايده كل حيط....
لسه البدر نوره فاضح
كل كدب وكل زيف.........
مهما يغيرو بوششهم....
بصمتهم بكتاب التاريخ....
mahmoud aly

وكل يوم بنفارق

الآ يعني كونتلك حاجه
وبتلعن ع طول بالحظ
وانا حظي اكونلك شارع
تعدي عليه ولا تبص
واكونلك بـ الحلم خيال
واكونلك غنوة بـ موال
ألحانها بتعصرني عصر

وكل يوم بنفارق
ودي حاجه اتعودت عليها
من اول م جيت ع الدنيا
بتقابل مع ناس فاهمين
اننا هنفارق بعض...
يمكن من موت هياخدنا
ونكون ذكري لحد...
هبطل أضيف اصحاب..
ولا هفتح طريق للحب
ولا هفكر امشي فيه
لو حتي مفروش بالورد
انا اكتر واحد يتخم
مع اني بحب الجد.

  mahmoud aly

انا بعشق النجمه
اللي واقفه بزاويه بيتنا
وبحب اتلصص من وقت لآخر
لما كل ولاد الحاره
بيروحو النحيه التانيه ...
محاولتش اعرف علي فين رايحين
مع ان البنت اللي بتلعب
عرفاني اني مجنون...
وبمد صباعي وبشاور..
الايعني فكراني فيها بغاذل
مهو لو تعرف كم انا عشقان اني احضنها
وتشوفني بوقت الفجر وانا بقطرها..
النجمه اللي انا مغرم بيها
بعد م اتوضا من دمع عيونها..
كانت ممكن تعذرني ..وتقول يامعين
كانت فضحت كل نجوم واقفه علي شباكي
وتعملي نكته بالحاره...
وتبعت دكتور..
ويقيس دقات قلبي اللي ملاوع
ناس تانين..
وكأني روميو ومنيش داري... يمكن
mahmoud aly

أكسريني....

أكسريني
وماله..!!
هتلاقي الف واحد غيري
بقلبك يكسرك..
ومتلوميش ألآ نفسك
والعند اللي ركبك..
خليه يداوي جرح السنين..
واروي نبض روحك.وعيشي جوه خوفك
ولا تنسيش دموعك..ترويكي م الحنين
واكسري بـ الذكريات
وابعدي بينا المسافات... م خلاص
شمس المحبه غربت..شوق الليالي اعلنت....الخلاص
الخلاص من ذكري عايشه جوه قلبي نحيتك..
والدموع اللي مره نزلت لدمعتك..كانت هباء
كل الورود اتعلمت معني الجفاء...
والبحر نشفت ميته ..لقوله أهـ
حتي الطيور بالسما معتش طايره بأنتظام..
كل ده ولسه بتكسري..طب اكسري من غير ملام..
لسه النبض باوله عارف خطاه..
بس انتي يلآ ابعدي..هكون تمام
سمعيني صوت خطوتك من غير سلام...
من غير سلام أرحلي.. mahmoud aly

وليه الطفله جواكي
م بتطلعش بس الا معايه
وتشخبط علي جدار قلبي..
وتكسر كل اشعاري
مجنونه والله من يومك..
وجنانك احلي م فيكي..
لو جات مرة عيني بعينك..
اعيد كلامي م ألآول...
واقولك يا بنتي بحبك..
تقولي اديني أمارة
وامارتي هتلاقيها بقلبك..
ساكن جوه ومتمدد..
والشمس عندي بقت عاده..
تدفيني بس لما اجيب سيرتك
وعادتي بيكي م تتوصفشي..
بحبك وبحب طفولتك..
mahmoud aly

في الراحه والجايه
عمال تعاتب فيها وتشتمها
وتكلمها..

وهيه ولا علي بالها
  وبردوعايشه حياتها

 وبترقص
وبتسمع نفس ألاغنيه
وابنك اللي حلمت بيه

 م هوش منك 

ولا حتي يحمل اسمك
ولا حتي بيشبه فيك طبعك
وكفايه انك قاعد

 تتخانق دايما مع صورتك
وهيه عايشه حياتها
وازاي بتفكر تخاويه 

وانت بتفكرف امبارح

 وتعاتب صورتك
mahmoud aly

وماشي بنفس طريقي _
سارح دايما بالملكوت..
ايه بس خلاني
يجذبني بـ شويه نور...
واجري عليه وم صدق
يلاقيني بوشه ع طول...
ويكلبش بكل الحاضر ..
والماضي كان له دستور..
وبنظرة عين والتانيه
لقتني بهواه مخدوع..
mahmoud aly

م تقولي يابنتي بصراحه
انا كنت ألاول بحياتك
ولا رقم من ضمن ألارقام
طبعك كتير اتغير..وبقيتي مايله للآحزان
والوش الخشب بقي سمتك..
والفرحه يا دوب بتزورك.لما م يركبك جان
وتخلي العقل يتشتت.. واتنهد واقول يا زمان
كان حُبك طفل بيتنطط.. والدنيا ماليها حياه
ولسانك بينقط سُكر....استاذه عشق وغرام
م تقولي وبكل صراحه..
اسمك مكتوب برصاص..
mahmoud aly

ال ممكن نتقابل صدفه
ممكن..
والممكن ان اهرب ليكي
لو بس فتحتي اديكي.
وقولتي تعالي أوام.
والم احزاني واوجاعي
وباول خطوة من عينك
انسي ألآوهام..
وممكن كمان ابدل خوفي
باشواق وارميهم جوه بحضنك
وتقولي كمان...
زود شوقي
وطفي نار جوه بجوفي
بلمس شفاه..
انا طالب بس اكون جنبك
واحكيلك علي اللي محيرني
ومسهر ليلي ومدوبني..كتير مشتاق
يا ترحم قلبي وانيني..
يا ابطل احلم بقناديلك
واعيش بظلام....
mahmoud aly

فك الحزن بأوجاعك
ارقام وحروف
وبمعادله بسيطه وحسابيه
هتلاقي الخوف يتبدد
بس انت تبوح..
وادخل تجربه جديده
منزوعه الشوك...
مش كل الورد اللي يقابلك
له بس عطور..
ولا ترمي شباكك بالميه
بألآرض البور..
محتاج ايه غير ان شعورك
يحس بشوق اللي ف بالك
وينسي فيك هم أمبارح
ويجدد دم بشريانك
انك مرغوب...
mahmoud aly

احساسي اللي دايما

 بيكي متشعلق

 وحباله دايبه فيكي...
وكل تنهيده منك أوطان..مصلوبه بجبينك.

والدمع المالح شكواك..
وشكوكك تطلقها سهام.

 ودروعي بمنديلك أوهام.
يا كل الجرح التعبان...

 تعبان اناديكي

يا عمر سابق اقدار

يا مطرا لو تنزل انهار

ارويكي بدمي واغطيكي
mahmoud aly

ااكون غلطان

 لو كل حاجه

 جوه قلبي قولتها
بدون كدب..

 ولا الواقع خلاني اجمل كلمتي
منا قولتلك

 هصارحك بكل حاجه
وكل يوم عدي عليه

 من قبل حتي م اعرفك.
جرالك ايه ?

 هو  كلامي

 معجبش حضرتك.
اتغيرتي بكل لون

 والسواد كان اجمله.
ما ارخمك..
.mahmoud aly

بشوفك اجمل

 من الموناليزا
اول م البسمه 

بتظهر
انما بتكشيرت وشك
بتكوني يا حفيظ
اشرس م النازي

 هتلر
انا عايزك

 دايما مبتسمه
لو قلبي جرحك

 اكتر
لانك بالاخر

 دايما
روحي وحياتي

 واكتر
mahmoud aly

قولي لي
لو كذبأ
انك يا عمري
تهواني
وبأن الليل
يسرد للنجم
اخباري
قولي لي بان حبي
  كان مجرد اوهامأ
وان الشفقه بالعشق
ما كان يوما اصرارأ
قولي لي م كان حُبأ
وان الحرف سقط سهوأ
ولم يتمالك اٍعصارأ
mahmoud aly

سبحان من

 سخر قلبي
وانتظمت

 سُرعه دقاتُه
ليعزف من

 اٍسمك لحنأ
ويكون 

الساهر الباكي
لو أخطأ

 مرة عنوانك
سبحان من

 اسري بي
لآحطم

 جدارن الصمت
واعلن علي

 الملا دومأ
باني 

عشقت هواكي
mahmoud aly

بشرب كتير مع اني

 عمري م دوقت الخمرة

  ورهاني معايه خسرته

وجيت قبل ميعادي بيومين..

نفس المكان انا عرفه .

 وطعم البيوت متغيرة شويتين..

وانكساريعايشه مع نفسي

  مع اني خضت حربين.

 مرة بعيونها...

ومرة تانيه بلمسه ادين..

وطلعت خسران في ألآخر.
فرح ..

 وصحبه كانت بالحسين...

وصورة عشق كان واضح للعين..
اتاريها بس معجبه بكلمتين.. 

ولا تعرف م الحب الا كاظم

 ويادوب شافت لحليم فيلمين........

mahmoud aly

بالاول انا بكتب ليه
واول م بنشرها
بتكون مربوطه باسمي
لكن مليش حق فيها
وبكون اسعد م بالدنيا
لو حد مر عليها
أو علق او حط ملاحظه
او حتي خبطها بلايك
كاني ربحت المليون
احساس الشاعر بحروفه
لا تكمل الا بمروركم
فشكرا لمن بيعلق
او يخبط لايك علي الماشي
فشكـــــــــــــرأ
mahmoud aly

وكا العاده بنام متاخر...
وسمعت صرخه م الجار
نزلت بسرعه وجريت....
صدموني وقالولي مات
كان راجل دمه خفيف..
عم محمد كان شكله نحيف
طول عمرة من شغله لبيته ..
وبالسهرة يشرب حجرين
وياخدهم بالدور بالدومناه ......
معروف عنه انه حريف
عم محمد كان عنده ولاد......
احمد ومحمد وعفاف
في ناس بتموت حبينهم
وذكراهم في كل مكان
وناس عايشه دنيتهم
محسوبه انه انسان
mahmoud aly

خلي الضحكه
تبقي قويه
من جوالك
خلي الاامك
والاوجاع تطلع
بره وتنساك
مهما كان
الحزن بقلبك
خليك واقف
علي رجلاك
وميهمكش من
جرح ملازمك
ومتستسلمش
وخد باديك
mahmoud aly

كان نفسي اكونلك حاجه
بوسط الناس تتباهه
وتقول بعلو صوتك تربيتي
والله م خبتش.
تربيتي كانت بزياده..
صلاه و صوم وعباده.
وشهاده من جامعه
م تتوصفش..
طب اعمل وايه ذنبي
ان كانت ايامي بمبي
ولا حد قالي يا افندي
م تحلمش..
يا باشا الحلم م زارني
ولا عمرة ابدا كان املي
ولا يعرف حتي فين سكني
وم بيسئلش..
انا كل همي اكون غلبان
مش مهم يجيني حنان
اعيش واموت وانا انسان
وبحقي م اسبش
mahmoud aly

بأماره أيه هـ نتغير
لما الكل يبقي مسيس
وبيفهم اكتر م ألآول
وعامل نفسه واد فهيم
لما الفقر ذاد واتوغل
والحق اتشقلب واتجمل
ولحُنه اصبح سكاكين
لما الطيبه بئت جُرسه
وتبلطج غلي أيتهو انثي
طلبت مرة التغير
لما النخبه بتلبس بالحيط
والعقل واخد يتغيب
وبالكرباج تمشي وتظيط
لما الدمعه تسرح بالغيط
وتروي بدل النيل
وطرحه يكون موواويل
من زرعه بصفارها تدبل
لما العدل يصبح مرهون
وتقول نعم للدستور
تشوف الدنيا بسرور
برقصه وزغروطه تهيص
هتلاقي الدنيا بقيت بيس
وعيش الحلم واياك تتكدر
mahmoud aly

وليه فـ عنيكي قصه وحكايه
مش بس كلام يتحكي
ذي البنات المتزوقه
بليله عرسها
ومتكحله سحر وغرام
وبين الرمش والتاني
حته جوهرة
شعاعها مالي الدنيا ابتهاج.
ولما بس تبتسم
ترقص عيدان
السنبله وقت الحصاد.
ولسه الجكاوي ممكنه
يوسط الغيطان.وبت ماسكه
عنقود عنب
ماشيه علي دقه خلخال
والفرحه راسمه وشها بدر مكتمل
وعنيكي ابدا م اتغيرت لسه جواها كلام
mahmoud aly

صباح الخير يا حبيتي

صباح الخير يا حبيتي
علي قلبك
علي عيونك
اللي كتير وحشاني
وعلي شعرك
اللي سايح علي كتفك
كما الطير اللي طاير فارد بجناحه
صباح الخير
علي كلك
وعلي همسك
وعلي ليلك المشتاق لآحضاني
صباح الخير علي حروفك
وعلي غزلك
وكراستك ومقلمتك اللي برويها بشرياني
صباح الخير واول م تفتحي عيونك
فنجان قهوتك محليها علي بابك
بطعم الشفايف
صباح الخير...
mahmoud aly

مع اني عارف
انك اكتر وحده
حساني..
وشيفاني..
ولمساني..
جوه وجدانك..
بعاند روحي..
واقول مهيش سامعه ندا قلبي..!!
ولا شايفه حروف اشعاري..!!
ولا سئلت مرة عن احوالي..!!
واكدب نفسي...
والومها 100 مرة لآوهام
عايشه جوايه مبتهداش..
ولا صحتني م ألآوهام
ولا اتخانقت بألآحلام
كا العاده...
فأتعودت ع الحرمان من عينك..
ومن ليلك البردان..
mahmoud aly

ولسه انا
كما الليل
فارد جراحه ع السما...
م أشتكي لنجم عدا ع القمر
وقت السهر..
لسه أنا رغم الضباب
شايف أمل
شايف رؤيء
شايف كيبود الغرام طاير بالهوا
راسم قلوب من حجر
لونها لون السواد.. عامله حداد
علي دمعه
فرت غلط....
ولسه أنا
وانت هنا
ثابت حضورك بالمنتهي
لآ ابتدا
ولا عزفه اطرب القلوب
ع الوتر......
mahmoud aly

انا بكتب ايه

 ولمين مش عارف
بكتب عن حاله عايشها
ولا عن حلم ساكن بخيالي..
انا اكتر واحد بيسطر
كلمات وحروف بتعاني..
انا شاعر بكل مشاعر
من غنوة كلماتها حزينه
غناها حليم او هاني
داست علي احساس قلبي
او حد قافل اوجاعه
لحب فاقد شرعيه
ولا خبط يوم علي بابه
انا هكتب بس عشان بكره
لو بكره جاي بميعاده..
mahmoud aly

باقي من عطر انفاسها
رشفه بجنون افكاري
اداعبها ليلا همسأ
تهرب لوساده أحزاني
أغازل فستنها برقه
وامسك علي خصر جنابها
يمكن تحن المرادي
تتمادي بمكياج مرايتها
وتراقص ظل جنابي
واكمني عاشق شفايفها
طبعت قبله بفنجاني
وسابتني وراحت ماشيه
وقالتلي بكرة نكمل خلوتنا
ونعيد الكاره من تاني
وفضلت اعيد الذكري
واناجي الليل وحداني
mahmoud aly

هدعيلك

أنا اسف
لآني خلاص
جريت وراكي
رغم اني عارف
ان مفيش أخلاص
انا اسف وسامحيني
وذيدي غرورك واسقيني
كاسات المر وانسيني.وانسيني

وهدعيلك بعز الليل
وهشكيلك
ويمكن كمان أغنيلك
لترقص صورتك قدام عيني
وأحسك... وتحسيني
وتزيدي دموع عينك
لترجع يوم حكاوينا
mahmoud aly

صلي الله عليه وسلم

يلي أسائتو للنبي..

ورسمتوه بأيديكم
هو انتو كنتو عارفينه؟

معروف عنه السماحه

وصدُقه...

واخلاقه والله نور ماشين عليها
ألآسائه كانت لنا

وللآجيال اللي بعدينا
قصرنا في حقك نعم...
بَعدنا عن سُنتك نعم...
وبميلادك يا محمد والله فاكرينك..
بحق من ارسلك...
  شفاعه منك يوم اللقا تكفينا...
mahmoud aly

غربه وحنين

مين فينا..... اللي ابتدي
هجر وفراق. ولوعه حنين
ومين فينا... اللي اشتكي
لمسه ادين..... متفرقين
مين...مين
مين الي قال.... ان الهوي... بُعده قريب
ولا ده ..يا حُب عمري.. طبع المحرومين
اهــ م المحرومين اهـ يا عيني
م المحرومين.....

ولا.. يكنشي.. طول البعاد.. قساك سنين

غربه وحنين

مين....مين...يقدر علي الحنين

يا انا... علي المجروحين

mahmoud aly

ومهما وشوش
بتتقابل
مبعرفنيش وياهم
وادور علي واحد
تاني يشبهني
الاقي الضلع ملفوف بوريد
مخلوط بوجع أحزاني
وادور تاني علي نفسي
بوسط طريق ملوش أخر مقطوع نصين
الاقي الدمعه سرقاني
وريحه المطرة وخداني شيلاني لفوق
راميني علي موجه دافيه سحباني مع اول ضؤء
تدغدغ فيه احلامي تصحيني من وهم الخوف
الاقي نفسي مش هيه
الاقي اسمي مش هوه
الاقي وش يشبهني من غير لون...
mahmoud aly

اللي يحبك يبقي عينك
لما تغفل مره عينه
اللي يحبك يبقي حاضنك
لما يكسر حد قلبك
اللي يحبك يبقي منك
يبقي روحك ويا ضلك
mahmoud aly

الحريه مش ببلاش

وهتاخد ايه علي نفاقك
وانت اكيد بكرة مروح
وهتتحاسب ع افعالك
وتقول يارتني سمعت
صوت العقل جوايه
وكلمه حق
بدار الحق تنفعني..
وهتاخد ايه
وصوت الطلقه
بصدر شهيد بتتلاقي..
وانت البعيد اعمي
وبصيرتك دايما باجازة
هتاخد ايه
غير حياه وقتها قصير
وضميرك مهوش مرتاح
ونايم بحض دبابه
وبكرة الدور علي جنابك
فمتقلقش من حاجه
ويمهل ولا يهمل
علي الظالم
واللي شاف الحق
وفضل ساكت
م اتكلمش
ولا اترحم علي اللي مات
ولا مسح دمعه للآيتام
ولا بنت ضربها لئيم
عشان قالت حريه
وفعلا..
الحريه مش ببلاش
ولا يهمك...
mahmoud aly

ليه تلاوع

ليه داريت عني عيونك
وقت حاجتي اني اشوفك
ليه تخونك بوح مشاعرك
وتستسلم لغيرة جنونك
مش هلومك علي جرح قلبي
ونظرة مني تشعل غرورك
ليه تساوم حُبي ليك
ليه تلاوع لمس ايدي
لو طبطبت مرة عليك
مش هخون احساسي بيك
رغم قلبي اللي بين ضلوعك
وشم اسمك مكتوب عليه
ليه تلاوع لمس ايدي
لو طبطبت مرة عليك
mahmoud aly

بقينا اتنين مش واحد

وليه اصلا نتصالح
طالما الروح..
اتقسمت نصين وبقينا اتنين...
ويمشي الواحد بطريقه..
ويدور علي حد يعينه
ويداوي جرح بقاله سنين....
ليه نفضل نتعاتب ..
علي حل اصلا مش نافع....
ليه نحلم دايما بعهود...
ونرمي ف الارض بذور ..
تطرح اشواك وظنون...
ونبني بيت بالرمله..
وتاخدها الموجه ف السكه
يتهد البيت علي اخره ...
ونصحي ع واقع بكابوس...
هـ نحاول ننسي احزانا.
ونجمع ذكرانا بصندوق..
ونبقي اتنين مش واحد
mahmoud aly

منيش خاين بعهد الحب

منيش عايز غيرك ضيء
ف حياتي.
منيش عايز دمعه عينك
تجري مرة علي بابي
وانا مشغول ف بحر هواك
يا غالي...
منيش عايز تاخدني التوهه
وانت ساكن جوه احلامي
شعاع من نور
ولا عايز احس معاك بالغربه
وانت سارح بـ أحزاني
تقول ألآهـ
توجع كل وجداني
بنظرة عين
تقتل فيه كل أمالي
وانا عاشق اكون جنبك
اكون عينك
تكونلي روح سكناني
اكون طاير تلاقيني بحضنك
انسان تاني..منيش جاني
ولا خاين بعهد الحب..
mahmoud aly

في كده................

ياسلام
لو كل السنه
تبقي شتا
لآجل م ادفيء
جوه قلبك من سكات..
واعيش واتمني ابقي كده..
وانس اللي فات
من عمرنا من هجر وخصام...
في كده..
فى حد يتمني اللقا بعد الممات غيري أنا..
في حد يجرح قلب حبُه
 وبسرعه ينسي ويجي يقابله غيري أنا..
مين كده اللي يستحمل يسكن جوه حزنه
ويفوت عليهم كام سنه غيري أنا
ورغم جرحه ويا حزنه
يتمني يعيشه من سكات
بس تكوني ساكنه جوه قلبه يا انا..
في كده............
mahmoud aly
https://www.facebook.com/pages/%D9%87%D8%B0%D9%8A%D8%A7%D9%86-%D8%B1%D8%AC%D9%84-%D9%84%D9%80-%D9%85%D8%AD%D9%85%D9%88%D8%AF-%D8%A7%D9%84%D8%B3%D8%A7%D9%85%D9%88%D9%84%D9%8A/293118344095767

بعد اللي حصل
واللي هيحصل
لساكي نايمه ف العسل
جرالك ايه؟
كل اللي كان م بينا .والشوق اللي جوه عيونا ..هان عليك..
مش غريب انك تكابر...وتهجرني وتبقي معاند ..حُبي ليك..
مش ضروري تقول واحشني.ولا تجري عليه تحضني ..واشوف عينيك.
لساكي نايمه ف العسل.
لساكي حاسه ب الملل.. طب ذنبي أيه..
mahmoud aly

وحياه ابوك مش ناقصه
وشك اللي مليان تجاعيد
تقولش راسم عليه قصه
وطن....
خالي م الابتسامه
وان مرة ضحك غلط
يبقي اكيد يوم القيامه
وصل..
يا مرحبا
والفين مرحبا
من غير نكد ولا زعل
انا مفارق لمه ألآحباب
طالما الحزن علي بابك
فاردلي دراع..
mahmoud aly

افتح من فضلك الكادر
وصورني بزاويه منحرفه
خليني اكون واد شرير
واطبعلي منهم كام صورة
لابان للناس عفريت
ولا حد يقرب مني
ومفيش مانع لو كام بشله
وقميص متقطع نصين
وابلطج علي البيه والباشا
واعملي كام مليون
وصيتي هـ يكون معروف
واسكن بفيلا دورين
الطيبه اساسا بقت صنعه
والصنعه نايملها يومين..
mahmoud aly

لسه فاكرك .كأن أمبارح جه دلوقتي.
وعدي بسرعه قدام عيني لما تعدي قدام بيتي..
فاكر جدا .. كنت تملي احس بقلبي بتزيد دقاته...
اجري بسرعه علي شباكي..الاقيكي جايه _
وافضل ابحلق فيكي حتي تعدي..كنت بخاف اتكلم واقول اذيك..
لآحسن الاقي ردك قاسي عليه..تسود الدنيا قدام عيني..
وممكن اعمل حاجه تغضب ربي
كان حلمي انى اشوفك كل دقيقه..
واقولك والله بحبك..
كان نفسي بس أعرف
هو انتي برده بتحبيني؟
mahmoud aly

أنا اصلا انسان مش عادي
فزيدي الخطوة المرادي
وتعالي قوام..
واديني من كاسك حلٌوه..
وغني كا العاده وطيري.. ذي الفرشات.
وخديني علي جناحك مرة..
مش عايز احس الغربه.تاعبني الشوق.
انا عايز افضل وياكي..
ونجوم السما بتنادي .تعال لفوق..
واعيش انا وانتي لوحدينا.
ولا ننزل للارض بيوم.
ليكون العشاق ذيينا..
فوله واتقسمت نصين.
mahmoud aly

نفسي اشوفك
رغم أحزانك بفستانك ألآبيض.
وطرحتك بياضها زايد فـ جمالك....
وقلبك ألآبيض يا عروسه ضامم كل أحبابك.. وسيباني!!
واعدائك علي بابك بياكلو بالتورته
وجيرانك بيوزعو النقطه عليها سواد في قلوبهم...
ودم أولادك... كما الشربات بيبلو بي ريقهم النشفان..
وانا منهم.عجباني الفرجه.ورقصه علي المسرح الهزلي
وكام فنان ذو خبرة بألآفراح ...
يغني كام موال علي معاذيمه ولا همه
عشاقك...
وانا شحات علي بابك..
وعشقان قبل أحبابك..وسيباني
mahmoud aly

خلص الكلام قبل م يبتدي..
عايزة ليه تاني الغرام.مش كل واحد راح بسكته..
ليه تعيدي بالجراح......
سبتي قلبي بـ الطريق. هان عليكٍ امشي وحيد بالضياع.
والطريق من أوله...والكلام من أوله...جابلي صداع.
mahmoud aly

كنتي عاشقه_ فيه ايه_
غير انيٍ _ راضي بهوانك _
راضي بيكٍ بانفعالك. بجمالك.. العادي جدأ.
كنتي عاشقه أنطوائي.وانشغالي عن أمور الحياه.
كنتي شايفه فيه حُب تاني. رغم أني انسان طبيعي مش خيال.
كنت راسم بسمه حلوة في عيونك..ودمعتك في وجودي محال.
كنت ضلك لما تمشي.كانت ايدي جنب منك لو حسيتي بالضياع.
كنت عاشقك .رغم اني.م شوفت منك حنان.
mahmoud aly

يا نخيل
أطرح تمورك.
وأسقينى.
منه خمرأ
لآنسى
من حولى
وأنسى
ظنونك...!!
فلآ أحتمل
بالعشق
غرورك..
فأنا المحب
وانا هو..
ذلك
القتيلا...!!
ان مات عشقأ..
فليس لك منه
سبيلآ
فأنه ارتضى
ان يكون شهيداَ
فهذا حال ..
من كان
لحبهٍ وعشُقه
أسيرأ
mahmoud aly

وبكرة
تشوف
محبتي
من محبه
غيري
وتعد
النجوم
تسهر
تقوم
نااااادم
علي
طيري..
وبكرة
تشوف
تحلف
تقول
يا نن
عيني...
مكنش
قصدي
افوت
واعدي
علي
جرح
غيري..
mahmoud aly

الحق حوش,,,,
يلا وقابل
قبل ما يطفو عليك النور
وتحاسب
على المشاريب,,,
اجري بسرعه وفوت بالجامد,,
ولا تنساش,,,,
ولا تستغرب,,,
انا مش ماشي معاك للآخر,,,
انا راح اكون,,
او لا اكون,,,ذي أمبارح
مـ بحلمش
الحق حوش الجن قصادك,,,,,
نور شمعه,,
اقراء ايه,,
يمكن بكرة يبقـي بدايه,,,
لـ حلم جديد
mahmoud aly

مكنتش صدفه يوم قابلتك

يوم م تقابلنا
مكنتش صدفه.
كان قبلها كتير اعجاب.
وكان وكان.
وكان كلامنا م بيخلصش

كنا بنسهر بـ الساعات
مكنش بيفرق معانا حاجه.
ولا فكرنا باي حاجه.
ولا عمرنا يبقي كام؟
كنتي بتفهميني من عيوني
قبل م اقول الكلام
كنت عاشق جنونك

كنت حاسس سر خوفك

كنت بستني يوم هروبك
لما بتغيري من غير اسباب
كنت عايش بس يومي
كنت قايد شموعي
قبل م تشوفك عيوني
دلوقتي لكل شيء حساب
غيرتي فيه كل حاجه
ورجعت تاني للعذاب
مبقتش شايف الا صورة
وعليها شويه تراب
mahmoud aly

اجمل حاجه
شيفها فيكي
لون عنيكي
وشعر جنونك
علي ألآكتاف
ولمسه ايدك
أهـ من ايديكي
تشعل قلبي
ك البركان
اجمل حاجه
نظرة عينك
لما ألآقي
فيها الشوق
بـ سحر انوثتك
يزيدني جنان.
mahmoud aly

يا دمعه
حايرة
ع الخدود
لسه
معادها
ع السقوط
مجاش
تكونش
جفت
م الربيع
ولا من
شق السدود
اللي حاجز
الجفون
م البكا.
لساه
الليل الطويل
عامل مشكله
حَوش علي
ضيء القمر
م المرور
mahmoud aly

حب حقيقي..

عن حاله غريبه شغلاك _
وكل شويه وعينيك رايحه وجايه_
علي تليفونك..
بقاله كام ثانيه مرنش..
وكلامك كتير مع نفسك_
ونبضات قلبك بزياده..
عن دايما مهتم بنفسك_
وتسريحه شعر باناقه...
ودايما سارح بخيالك.
ولا حاسس مين قاعد جنبك..
عن ضوء هادي بالآوضه_
وأغاني حليم شغاله....
عن ايدك اللي مبتهداش_
وكل شويه بتبص بالساعه...
عن رنه تليفونك ...تجري قوام_
علي نغمه عليها اسم حبيبتك..
وتفضل ترغي بالساعات..
وتصحي علي ميعاد شغلك..
عن حاله حب حقيقي
بتعشها جوه بقلبك...
mahmoud aly

هتردي بأيه؟

لو قلتلك بتحبيني
هتردي عليه بأيه؟
بكلمه....
ولا نظره...
ولا دمعه ع الخدين...
خدي وقتك...
فلست علي استعجال شروق الشمس...
ولا ذياده نبضات القلب...
ولن أطر ان أسكر تلك الليله...
كي أفكر بالآمر..
فكري كثيرأ..!!
وأرسلي الرد....!!
علي غيمات السماء بعز البرد
أو عبر رياح الشرق...
أو علي جناح عصفورك وقت الصبح
فلن أطر...!!
ولن اطر...!!
الا ان أشق بنظراتي البحر....
فثورتي لن تهدأ.......
ولن يتوقف لهيب القلب....
mahmoud aly

رايح فين وسايبني...!!

رايح فين _وسايبني لوحدي_
بين جدران الحياه الكئيبه ..
مين لما انادي عليه يجي بسرعه ويكون بين ايديه.
مين هيقضي طلبات الجيران؟
مين هيمشي بجنازاتي ويدعيلي بالثبات غيرك انت...
يا ضيء عيني.ليه م سمعتش الكلام؟ وفضلت جنبي..
بس انا فاكرة كويس لما يوم حلمت بيك..
كنت موت ماشي بالطريق ومكنش همك..!!
لسه أوضتك هيه هيه..
والنور مالي المكان..محتاجه بس اسمع صوتك..
محتاجه تشفعلي هناك...
mahmoud aly

هو قلبك حجر

هو
قلبك
حجر
ولا من فولآز
ولا رابط عليه
قماش
معدش داري
بضجيجه
ولا حس
بلي مات
ولا متعود
ع السكات..
مكنتش داري
باي صوت
طب فين
صوت ألآذان؟
م مرش يوم عليك
م سمعتش
ان الحق جاي
بكرة لآزم أكيد
تشرق الشمس
من جديد
وتتحاسب ع
اللي فات..
لما تترفع
المظالم
ويحكم بينا
رب العباد..
mahmoud aly

واد حريف

قالو ده ميسي واد حريف
علشان لعبه شمال ويمين
ودي شغلنته مش تزيف
موتو بغيظكم خليكو نايمين
وبلاش بالايد تفضلو تسقيف
اصحي يا عم منك له
ميسي راح وساب الكل
والكارت ألاحمر لزوم الكل
وان كان لعبه تملي نضيف
يبقي حبيبي.وذي الفل
mahmoud aly

ارفقي بي

هل لي بجرعه من شفتيكي

 فانا الظمأن

 والاشواق تقتلني

.دثريني بين أحضانك.

وداعبي

 خصلات شعري بأناملك 

كي انتشي.

فلي في عينيكي

 جولاات.

 فتمددي علي صدري

 وارفقي بي

 عندما تقتربي

 فانفاسك تسكرني.

لحد ألآرتواء.
mahmoud aly