مصر الجديده

علمني اكدب واديني براح...
واديني الباب من غير مفتاح
خليني ارتاح.
ده الكدب حلال ف عقول فاضيه
اكلتها العَته 200 مرة.ولسه بنعيد الكَرة
بوهم جدبد..
نشرنا الجهل جوه قلوبنا
والشمس أكلت بضلوعنا
والدمع يزيد....
علمني اموت من غير صوت
علمني احب بدون خوف
من غير تزييف..
mahmoud aly
‫#‏مصر_الجديده‬

نوع فاخر

وسمحت لقلبي انكٍ بس
تدخلي عليه من غير م تدق
تقفلي عليه كل ببانه
وتحاوطيه من اى ضجيج..
ولاني غشيم اني اعرف بنت
او افهم ان لزوم الحب
لازم اتعلم فنون التمثيل
واملي دماغها انني حبيب
واسمع ف اغاني
تكون هيا بتعشقها
اصل حبيبتي رومانسيه.
ملهاش بشغل الدراويش
ولا حتي الاغاني الوطنيه
حبيتبي اصلا من نوع فاخر
بسكوته م تتحملش التكسير
وانا كل ضلوعي م الاخر
مرميه علي كل رصيف
بتدور علي قلب امين
يعرف ان العشق مش بس اغنيه
mahmoud aly

تعرفني بجد

عرفني؟
طب عارف نفسك
طب عارف ان الليل مشتاق لمسك
محتاج يسمع طب همسك
هيحرم تاني انه ينافسك ف العند
ويرجع قزم او يدخل  غيبوبه من كُتر العشق
اصله نساي..

احيانا جدا بيكون كداب
يحكي بظروف.

 انه مشغول

 بيوزع للعشاق نسمات من ضؤ
الليل ده حصان

 داخل بسباق خسران فيَه ان في يوم كان عرفك
تعرفني بجد؟

 صدقني اشك
mahmoud aly

البقاء لله

البقاء لله
في اللي رحلو
واللي ناوين يرحلو
واللي قربهم زي عدمه
واللي جانبنا ومش جانبا
البقاء لله. بنور عينيك لما يغيب وتضلم قلبنا
يا بختنا مع دمعنا لما يروي ارض هَجرنا
يا فرحنا باختياركم انكم عنا تبعدو...ابعدو
ومتفكروش فيوم تزور حَينا
البقاء لله في اللي ميت وهو حي..
mahmoud aly

كانت بوسه

وكانت بوسه
ودي اخر حاجه كنت فاكرها
ونسيت اللي كان قابليها
الا بوسه الميت بتنَسي.!
طب اعمل ايه في لياليها
يا ما اصحاب فارقو ورحلو
عن دنيا كانت يوم ليهم
انا فاكر جدا اصحابي.."
وناسي اللي كانت وسطيهم
الموت بياخد ويعَبي حاجات
وانا حاجتي فيها بلاقيها
هو انتي صحيح موتي معاهم؟
بصراحه. مش فاكر..!
سلمت نفسي لتخاريفي
وهَيئت نفسي لآعاقبها
من دفتر قلبي والغيها..
mahmoud aly

كداب جدأ

كداب جدا وبتخدع مين
بتمارس غزلك وتشق جبين
مجنون
وجنانك بين وبين
مرة تحب
ومرة تهج
ومرة تشتاق لحضن العين
مجنون...
مجنون وبتكتب ف رومانسي
وتلاوع قلمك وبتخبي
ضمه قلبين..
السحر اللي في حروفك
والبنض اللي جوه عروقك
بينادي لمين؟
انا عارف اٍنك مش ليه
بامارة ايه...ترجع ليه
غيابك لو أثر فيه
كنت لَبيت...
ملعونه لحظه اهمالك
وجعتني همسه احزانك
سكَنتك قلبي وشرياني
وهربت اكيد ك العاده
كان قلبك فين..لما ظلمني
وقولت حبيت..

mahmoud aly

رباعيات

ولآحظت وجود شوق بالعين
ولاحظت الحضن المداري وقولت ياريت
وشوفت الشمس بتعاكس خدين
والنيل ماشي بهداوة ف حبيت
حبيت القهوة الساده
بعد م لمست شفايفها
بقت بزياده..
الدنيا حقيقي اكيد اجمل
لو ضلعك التايه ضميت
mahmoud aly

 بتوعد وتخلف وتعشق وتنكر
وترسل أهاتها بصورة حزينه
وتوصف حالتها وحيده فليلها
واعتب عليها واعشق جنونها
mahmoud aly

كلمه ف كلمه

كلمه ف كلمه
ف اعجاب
ومقابله بمطعم..!
كنت جعان اني احضنها
اني ارمي همومي علي كتافها
اقوم شبعان...!!
ومشينا الخطوة تسبقنا
علي فين"
علي اى مكان يجمعنا
علي كازينو بنيل فضفضنا
وسيجارتي بتخنق انفاسها
بتدايق فيها وبتعفرتها..طب اعمل ايه
شالت برقعها وكات حسه برعشه ايد
مش قادر اوصف بعيونها
والشوق اللي فاضح احوالها
كان رابك جدا تصرفها.

محتاجه ادين تعزف ألحانها
وهمسه حب باضلاعها تنسيها انين افكارها.اخرتها ايه.!!
قهوتي الساده بقت بارده
مع ان حرارة قلبي نار قايده
محتاجه حنين اني احضنها
واروي غيطان اشواقها
فُل وياسمين
لكن المطرة منعتني
اني امشي واسكن مطرحها...
سلمت عليها واودعها.ان احنا اصحاب وده ريحها
ومشيت بطريق علي رصيف مترو
ورجعت وشايل اوجَعها
م الحين للحين..................
mahmoud aly
‫#‏ليها‬

كنت يادوب شايل نفسي
وبمشي لوحدي..
كانت ايدي ماسكه فأمي
كنا يوماتي
رايحين جاين
طالعين نازلين
باصين شايفين حد معاهم
حد يصبر ..حد يقرر..حد يقدر
ان قلوبنا نزفت وياهم
كل الدم اللي بعروقنا
واحنا حزانا..واحنا يتاما..
لنصر اكيد..وعيون سرحانه
لآب مجاش برحله قطر
ويا زمايله بعد العصر..
وبعد الحصر.. بعتو رفاته
بأعلام مصر...
mahmoud aly
‫#‏حرب_استرداد_ألآرض‬
#6#اكتوبر

و تبداء رحله النسيان
وكم اوجاع شايلها معاك
وتتعود علي كتم أحزانك
تتعرف تاني علي نفسك
عايش...!!مش عايش..!!
وتفَسر ويٍتفسر احساسك
علي انه عبيط."
فترجع تاني لنفس الركن
في زاويه جدار مشروخ
وتعد خطاوي الليل
ان جه مخضوض
علي رمشك
اللي متغطي دموع .
ودقه قلبك ك ساعه حيط."
بترج الوريد فيقوم
علي هامش كان موجود
هنا انسان
هنا عشقان للوحده
ومش خاين..
mahmoud aly

ايه اخبارك""
لساك عايش..!!
لسه بتسمع دقات قلبك
قولي ازاي..
قادر تضحك .قادرة عنيك تاني تغمض.!!
بعد ما هان الحب عليك...
قادر تخدع....برافو عليك
كله نسيته..والجرح داريته.
يلا ارتاح وعيش ببراح
واوعي فيوم ترجع لي تقولي سماح
مش مرتاح لصمت سكوتك.
جدد خوفك ويا سطورك
وارسم بحر بدمع عيونك.
واغرق فيه.ودي بشري خير
اني اقاوم حبي ليك..وابعد عنك.
واعود قلبي ازاي يمحيك
من كل وريد حَن أليك...لو كان يرضيك...
mahmoud aly

بنفس ميعاد أمبارح
مشيت علي طراطيف صوابعها
ترمي نظرة مع همسه
وتخبط علي الباب بشويش
صاحي..؟
ومن امتي بنام..!!
بتنامي..؟؟
ان نمت.... برده فاكراه
ان باع. بدوب في هواه
ان خان...... اكيد عزراه
تَقلت عليه الغيبه...
عشمته اني امسك ايده
ونسيت انني رايدَه
من بُعد المسافات م بينا
من بكرة اللي مش شيفاه
ارتحت...!!
وازاي ارتاح...
وانا عاشق لكلامي معاه
والليل سهران وياه
ولا بيسئل ولا منه جواب
يرضيك...!!
طبعا محتاج
ده جراحي محتاجه جراح
يستئصل من العمر عذاب.
mahmoud aly

انا الوحيد اللي "صدقتك"
وقولتي وعٍدتي وكمان زيدتي كلام
....... في الهوي
فـ عشقت العشق وجنونك
وعشقت اللمسه علي خدودك
والليل لما بيسرح علي كفوفك
اتوة أنا..
والضمه لما تكون دافيه
نسلف الشمس نار حاميه
فتشرق وتبعد بعيد عنا..
واتغرب انا...
وافعال كتير لما "تخونك"..
..... ضحكتي
فتزيدي ولعلي وجنوني
واصدق فيكي كل ظنوني
وتخونيني انا
مكتوب عليه اني اشوفك
والكدب اللي باين ف عيونك
سببه انا..
صدقت في مرة انك قولتي
روحك انا
ونسيتي المفروض يتقال
اٍنك كتير عشقان....
م نفعش انا....
mahmoud aly
‫#‏مش_حاله‬

حد حاسس بيك وعارف
انك انت له حكايه بس خايف
حد حابب فيك دموعك
لما تجري من عيونك وهو شايف
حد لما تتوجع يتوجع قبل منك
ويتكوي لو مرة عنه تبقي غايب
حد فارق وبمزاجك يسكنك
حد عايش جوه منك
يقتلك ولا هو داري
حد حاضن كلمتك.حد سامع ضحكتك
والآهه منه تجرحك تفضل تعاني
حد مش موجود هنا..
ولا هنا ولا اى حته تفتكر
في امل عليك يجاوب.!!
لآ اعتقد.والعقده في الخيال
اللي دايما فيك سارح
mahmoud aly
‫#‏حاله‬

قلبي الغشيم

يتردلك ان شاء الله
وتشرب زي م سقتني غرام
وتغويٍ زي م غوتيني وارتاح.
وترتاحي من قلقي عليك
وخوفي لما الشمس تغاذل عنيكٍ
ودموعك ويا شوقك
ولهفٍتك ان غبت يوم
عن لمسه اديك
كنت فاكر ان الغدر له اصول
زي اى قصه حب بتبتدي بنظرة عين
والغريبه اني عارف اني فاشل
وان بدايه قصتي من غير فصول
فليكي الحق انك تقتلي قلبي الغشيم
ومش كفايه..
لازم ف الاول تعذبيه و تغرقيه
وتدبحي فيه كل المعاني
وبشويش تهجريه
ومش كفايه...
mahmoud aly

كان متبسم

كانت هتفرق كتير

 قبل م ايدي عليه تسلم
كانت بصه عنيه

 مش زي كل مرة بيها يتكلم
رعشه حنين كانت واضحه جدأ وقلت بيتألم
روحي جريت اليه

 وروحه فارقت ضلوعه وكان متبسم

لسه باقي ف الطريق.. 

خطوتين تحكي المفيد
الحياه والظلم فيها..... 

دمعه مصحوبه بخريف""
سبتني أمشي لوحدي..

 والليل معَدش صاحبي
دا الحياه والظلم فيها..

دمعه مصحوبه بخريف
mahmoud aly

تخاريف ليليه

نص فيك بيبقي عايز
نص فيك قال مفيش
كل حاجه تَملي ناقصه
ناقصه حاجه م تشبهنيش
كل حاجه فيَه رافضه
ان صوتي م يسمعنيش
mahmoud aly

كام جيل عدو عليك
وانت يا عطوة مغمض عنيك
رمل سينا جوه حضنك
من بُعدك هيجري ايه؟
mahmoud aly
#الشهيد_محمد_حسن_عطوة
#عثر_علي_رفاته_بسيناء_بعد_41 سنه

نور عينك بقي انسان
عايش بـ العصر الحجري
رجع للمبه الجاز
وبيتوضيء من ميه ترعه
ارحمنا يرحم والديك
مش عايز من نور عينيك
انا عايز اكون انسان
اسوه بالدول العربيه 

 mahmoud aly

مستعجل ع الرحيل
وايه من اساسه جابك
نسيت الحلم الجميل
والراس ياما شالك
mahmoud aly
#تخاريف

مش عايز اكون انسان طايش
ألف دماغي بسيجارة
واتوه عن الناس..
معجون بميه عفاريت جايز
لكن بالله مش كافر..!!
احيانا الدنيا بتعاند
وتمشيني خلف خلآف
لكن راضي بأردته مهما يكون
mahmoud aly

 اكتر حاجه خلتني انسي
من غيرك عرفت اعيش
دوقت طعم الحريه
من غير جناح ولا ريش
mahmoud aly

 رجعت بعقلي كام سنه لورا
ومسكت حته م السما
لقيت نفسي مش انا
مشيت ومشيت
وباول مشواري ابتديت
دوبت ودوبني
ضحكت وضحكني
ونسيت اللي ألمنٍي
واتمنيت ابقي انا
mahmoud aly

 كانت خطواتك هاديه جدأ
كانت ادوارك قيمه عاليه
صحيح فنان
صحيح انسان
كأنك منا
هتفضل #خالد جوه قلوبنا
واتمني #صلاح ليك ف ألآخرة
mahmoud aly
#خالد_صالح_في_ذمه_الله

يعدي العمر بسرعه ويجري.
يديني كل همومه
ويغير باقي ملامحي ..
من غير احباب ولا حتي اصحاب
واهو دنيا غريبه
ولا حست بينا.
وسهام الغدر بتموت فينا.
ولا قولنا ألآهـ.
ولاقولنا كفايه جروح
تنسينا حتي ف خطاوينا...
.mahmoud aly

 هبطل اتعلق فيها
ولا هشغل بالي بأغانيها
وهركز بمخاطره جديده
تنقذني من عشقي ليها
فاكر نفسك انك وَحدك
اللي مشيت وطلعت لفوق"
لا والله يا صاحبي
انت ارتحت واحنا نعاني
شايف خوفنا وانت العالي
انت شهيد ودمك غالي
وليك الحُجه عند القادر
تشفع لينا يوم لقياك
mahmoud aly
#تحيه_للشهداء

   

هو الزمن هـو هو
ولا القلوب اتغيرت.!
ولا قلبي داب وحبه
يمكن عقلي رجع لآصله
واتمسح منه الصور
mahmoud aly

 سلام الله علي ولادك
علي زرعك و غيلانك
علي البقرة والساقيه
وعيونها اللي مش شايفه
أخرتها ايه...
mahmoud aly

 حل قعده اللسان
واربط علي قلبي بمَسكنه
تَهته عليه بالكلام واكدب تتحل المشكله
فميش ملام من غير سؤال
وفميش جواب غير الضباب
اللي سارح في البدن..

mahmoud aly

 تم المشاركه بنجاح
وبدون ألحاح
انا هخرج عن المألوف
وهَبدر في القلب جروح
mahmoud aly

بيقولو الدمع بيفَوق
ويشيل م القلب هموم
ويصحي العقل ويرَوق
وينَسي حب قديم...
ف مليت الارض بحور
وغرقت وانا كلي خوف
لآرجع زي ألآول
واعيش مستني أموت
مع اني اصلا ميت
قبل م اشوف النور
mahmoud aly

متفائل جدأ

متفائل جدأ
وألآحباط  ملوهش
حدود اني اكره
ان اتلصص من فتحه روح
كانت طله من بره الدنيا..
متفائل جدا ومتاكد
ان دي حلاوة روح فضلت تايهه
وغمامه قلب كانت فارشه
بهموم وجروح ملهاش لآزمه
لكن بتنوح رغما عنها
والصوت مبحوح
mahmoud aly

ربنا موجود

انا تايه توهه م الاخر ..
انا اصلا عايش ع الهامش.
وصاحبي رصيف ب الشارع
وغدايه من اقرب نفايه.
البرد صحيح ساكن ضلعي.
لكن قلبي مدَفيء برضايه.
واتمني المطرة متنزلشي.
لاصعب علي نفسي واضايق..
انا هعصر علي نفسي لمونه..
عشان اتعامل ببشاشه..
مش زنبي اكون انسان.
بغابه مليها اسود.
ضعيف جايز.فقير ممكن.
لكن مش مجنون
بسيط وابسط من كتير بعقول
مهيش شايفه ولا حاسه.
ولا عارفه ان ربنا موجود..
mahmoud aly

أضحك.................

اضحك وسَمع الحاضرين
وانسي اى ذكري تشتاق للحنين
ارسم الف بسمه لعيونك الحزنانين
خلي دوشه سكاتهم تزيدهم انين
وارمي ورا ضهرك صورهم
وغنيلهم. بعلو صوتك انتم مين..!!
كفايه حرج السنين
ووعدك اني بين اديك أمين
جاي دلوقتي تسألني كنت فين"
كنت جانبك
كنت قلبك
لما قلبك دقاته صحت النايمين
كنت كل حاجه عايشه فيك
انت مين..
mahmoud aly

ملعون اللي ساكت

الحقيقه واضحه جدأ"
والكدب مرسوم ع الوشوش
واللي زارع في ارضه نخله
واللي عامل نفسه نمله
والوحوش هما الوحوش
انت مين يا صبر قولي؟
علمني معني الوجود.
معني ايه القتل سارح
مش كفايه الحب طافح
فين الامان اللي عملتوه
ذنب ايه الام تبكي
ذنب ايه الطفل يجري
بين النعوش يشوف ابوه
الحقيقه اني منكم
واللي منكم اعدموه
ملعون ابوه للي ساكت
عن حقيقه وعن حقوق
mahmoud aly
#الكيل_طافح

بتمثل ليه......

الفكرة انك عارف
وعارف انني عارف
طب بتمثل عَليه ليه..؟
تقولي الشمس بكرة طالعه
والسما هتبقي صافيه
وألامان محتاجله تفويض
وانا مغمض عنيه
اقولك أمين....
مستعملتش عقلي مرة
ولا شوفتك غير من برة
وانا جوايا متقطع
م اللي مات ف الكمين.
واللي خاين عامل شريف
واللي فرق بينا قَصريٍ
واللي هُنت عليه ب قتلي
وكل يوم ف بلدي شهيد
السواد بقي اصله عاده
وقهوتي بشربها ساده
كل مرة في بيت شهيد
mahmoud aly

"صباح الخير يا مقتول
بطلقه غدر علي الحدود
صباح الخير #يا_عبد_الودود"
انت ليه سبتنا ومشيت
ولا استنيت تاخدنا معاك
مش زعلان علي موتك
انا زعلان علي حدودك
علي صوتك
علي دمك اللي مهدور
وبتسقي بيه ارضنا البور
بنور ماشي ف عروقك
صباح الخير.....
صباح اسود علي اللي قتلك
واللي مش هيجيب فيوم حقك
mahmoud aly

يا دنيا ليه قاسيه
ليه بس تضربيني بالجزمه
انا راضي بلي فيه بتعمليه
وعمري الحلو يادوب ثواني

بتعَلي ف الندل وألآصل فيه واطي
وبتبهدلي في اللي عمرة م طاطي
فارده اديكي وحاضنه ف الخسيس
والخسه من طبعه وانا بيكي حاسس
وان مرة ليه زهزئتي اكون لربي شاكر

لا مرة طلبت منك اني أغتني
او اكون من اصحاب المناصب

دا السؤال لغير الله كُفر
يارب ليك بس سؤالي
دا السجده ف رحابك هو الرضا
وانا والدنيا شيء فاني
mahmoud aly

علاقتي بيكي
كانت ماسخه
كانت كدبــــه
كانت شهوة لـ عيون تتشاف"
والحسبه
كانت بايظه
كانت لعبه
كانت غلطه ف عمري م حسبتهاش
علاقتي بيكي كانت قصه
كانت سهرة في ليله ضلمه
كانت غنوة بدون الحان
كانت صدمه
لآني عشقي فيكي محال
علاقتي بيكي يا دوب
اتنين اصحاب.............
mahmoud aly

قلقي عليها..مصـــــر

لو تدمر ف المدينه
أو تجَرف ب أرض سينا
مش هننسي ان لينا
عدو كل همه فيوم يجينا

اسرائيل فاتحه عيونها
للبلاوي اللي ف قلوبنا
واللي مقطع ادينا
مش غريب ابدأ علينا

العساكر اللي ماتو
واللي كل يوم منا مفارق
لينا رب عالم وعارف
عندو بس يبان اللي خانو

مش نصيحه جاي اقولها
او مطالب عشان انولها
انما من حبي فيها
قلقي بزياده عليها.
mahmoud aly
#مصر

مش هموت عليكي

اقتحامي جوه منك
شيء ضروري لابد منه
واختلافي مع نبض قلبك
كان اساسي لبرود مشاعرك
كنت عايش بس ليكٍ..
كنت شايف ف عنيكٍ
المرواغه والمداوله
والصور اللي فيها غارقه
مع حد تاني خد مكاني.
كنت ماشي في طريقي
لميعاد بيني وبينك..
كنتٍ قاصده؟
ولا عادتك تبقي ناسيه
بنفس المكان تخونيني.!!
كنت حاسس ان وقتي
هفضل ألم ف جرحي.
وان خريفك هيجي بدري..
والحقيقه اني استاهل خداعي
اني صدقت غرامك
وكَدبت شكوك ف قلبي
وحبيتك بس ب عقلي..
اسمحيلي طز فيكٍ
مش هموت ابدا عليكٍ
mahmoud aly
#مش_هموت_عليكي

عاشق//مشابقه شاعر القرن

بنفس ميعاد أمبارح
مشيت علي طراطيف صوابعها
ترمي نظرة مع همسه
وتخبط علي الباب بشويش
صاحي..؟
ومن امتي بنام..!!
بتنامي..؟؟
ان نمت.... برده فاكراه
ان باع. بدوب في هواه
ان خان...... اكيد عزراه
تَقلت عليه الغيبه...
عشمته اني امسك ايده
ونسيت انني رايدَه
من بُعد المسافات م بينا
من بكرة اللي مش شيفاه
ارتحت...!!
وازاي ارتاح...
وانا عاشق لكلامي معاه
والليل سهران وياه
ولا بيسئل ولا منه جواب
يرضيك...!!
طبعا محتاج
ده جراحي محتاجه جراح
يستئصل من العمر عذاب.
mahmoud aly

وان كان اليل سهران مشتاق
علشانه ليل..وده من حقه"
طب ليه تحتار وعيونك صاحيه مش بتنام
الا يعني قال انه مجتاج يلاقي عذاب.
وانت الجاني..
لما وعدته انك قلبه..
وانت الشريان اللي واصله يكونله حياه..
وانت الجاني
تبعد عنه وتزيد النار جوه بقلبه فتبعد اكتر ..
انت اناني
اسهر عطشان..وعض لسانك..
واٍندم انك سبت هواه.
لواحد تاني............
يمكن يرجع!!

 طب عد كل نجوم اليل يمكن تعقل
ويرضي انك تدخل ليله ويطفي النار اللي جواك
يمكن تهدَأ

 وتقول غلطان اني فيوم بَعتك
mahmoud aly

مقاطع..

ويفوت العمر ويجري
والذكري يمكن تهدٍي
احلام م تشبهنيش
تتعلق ب الروح صدفه
ترميها 100 دمعه
هيجي.....ميجيش
يروح العمر لوحده
بقهوة مع الحرافيش
يسَكن اضلاعه بورقه
مزنوقه بخانه الشيش
mahmoud aly
#تخاريف

بقينا انا وانتٍ دوله
ممنوعه علي ألاحياء
ان يحييوا مثلنا
متشعلقين علي الرقاب
م نكتفيش من نشرة ارصاد
لنمشي علي مهلنا
لتجرح باقي حلمنا...
ف نموت علي الاوجاع
وتبقي المدينه الفاضله
قبل اكتمال بدر بالسما..
mahmoud aly

مش هتحجج اني نسيتك
واللحظه الحلوة م بينا دابت
يمكن تاهت صورة بقلبي
يمكن ضاعت فيكٍ أمالي
لما ضعفت ف لحظه معاكٍ
لما مشاعري جابت جون
وضهرك ليَه كان الحارس
mahmoud aly

انا عاشق دنيا ودين
انا عاشقك بالتدريج
تقدري تقوليلي مين
استحمل هجر سنين
ولسه الروح بتلاعبه
محاوطه ب الف كمين
مرة بريحه عطرك
مرات شريان ووريد
وان جيتي مرة تلاوعه
يبداء من تاني جديد
عايش ف الوحده لوحده
متحاصر جوه حديد...
mahmoud aly
#تخاااااااريف

بنشبه بعض احيانا
وايامنا كما الكربون
ان عوزت منها يوم حاجه
تديكي ضهرها وتفوت
ف نعقد ونقوم.....
وناخد م الامل فكرة
وناخد م الصبار ايوب
نمشي وضهرنا مَحني
نستني يجي علينا الدور
ونلعن بكل ظروف
وكام شعرايه خافت م الخوف
ف ابيَضت
ورسمت طريق مليان ب الشوك
ف نعقد ونقوم
ونقوم م نلحقشي..
mahmoud aly

مسابقه شاعر القرن..احلام اليقظه

علي رصيف الدنيا مستني
 بنت بضفيرة تعدي
المح بعنيها اللمعه
 اهرب فيهما واتغطي
وانعم بدفيء بقلبي 
وارصف برموشها طريق
امشي مشواري معاها
واحكيلها عن سر غواني
 وارجع من تاني صغير
واشيل بهموم سجناني
واشيل من قلبي الضيق
نحلم احلامنا الفالصو
 ونرسم بادينا قصور
احلام اليقظه سمحالي
 أعبر من غير تجديف
وانا وانتي قصه متعاده
 لشويه عيال مجانين
والشمس اللي كانت واقفه امبارح..!!
علي فكرة...مجبتش جديد..
mahmoud aly

بقيت اٍرهابي

بقيت ارهابي من ضحكه
ومن نظرة ماليها الخوف
من بكرة اللي مش واضح
ومن كلمه حق ماليه الجوف
وبتصارع الم مكتوم
وطفل رضيع غلبه النوم لانه جعان ومش لاقي
ودمعه ام تملَي الكون علي امبارح
بقيت ارهابي عشان بكتب
وقلمي الجاف بقي يرسم بدل الورود اكفان
ده انا غلبان والحيطه سانده علي كتافي ومش طايل
محبوسه الدمعه #لآتعاير اني بقيت #انسان
واكون بالدنيا متاكل...
بقيت ارهابي عشان مش عاجب
سعادته البيه والباشا
#واعارض علي العيشه واللي عيشينها
لسان حالي يقول اسكت
لا يقولو عليك أرهابي
فأطمن وامشي ف حالي
mahmoud aly

سايق عليكٍ السهر اللي سٍهرنا
والضحكه الرايقه اللي صاحبها جنان
م تعشمنيش "ارجع ملاقيش

للآرض خضًار..

مش عايزك جنه ولا شُعله نار

ماليه ضلوعي..

انا كده أنهار

اسهر ليلي ع طول محتار 

انا قلبي أزاز

دايما محتاج لمسه أيد

بشويش تهدهد ولآ ترمي وعود

اكاذيب وجحود

ومشاعر زايفه

تكسر بقلوب

تحدف ب الطوب

ده انا قلبي جريح

يا دوب بيشوف

م الكلمه حروف

انك ميت

ولا ليك عندي بالدنيا وجود

اصلك مغرور 
mahmoud aly

طالبَه معايه أني اضحك
واوزع ضحك مجانأ
لحد م افلس..
مليت من تحويشه العمر
هزار.."
مليت من ده أحساس..!!
انا عايز أحزن وأحزن
لآنسي تجاعيد الكُبر
ده عيونك مُلهمه للحزن
وطريقك حضناه اشواك
وانا ماشي نفس المشوار
ابحث عن قلب بيحب
mahmoud aly
#تخاريف

بتظلم ليه..انا عندي كمان احساس..

اسيب واتساب

 وده كله مفعوله اني مشتاق

 لقلب جميل.يخطيء ويصيب..

 ومشاعر تشعل من اخلص ليه..

الصبر جميل
الصبر ده فين..!!
الصبر حقيقي مش لينا
نصبر ليه علي روحنا
انا مش مسكين
ولا طالب صدقه من نظرة عين
او حتي سؤال...ايه اخبارك
اخباري بكل عيون الليل" ديما مشتاق "
دايما حيران ماشي سكران بنص طريق"
والغربه خدتني شمال ويمين وهدت حيل"
مش مبسوط وليه مبسوط
والنجم واقف علي شباكي بينز دموع
وأهات مكتومه

 والبوح ده ضرير

 متكتف بوريد مقطوع
خايف م الخوف ليخاف ليبقي وحيد..

ويعيش محتار
mahmoud aly

احب الدُنيا تغنيلي
بوقت صفاء الروح جوه شراييني
وتجدد كل كرات الدم العكرانه
وتصحي الحلم المتداري
المتكتف بجلطه اهـ.!

علي الارض شهود
لولاكي م شوفت بالدنيا قلوب
تخطف بعقول.
واكون بسببك علي طول شقيان.
لًتٍوزي شيطان
واًكل من ايديك تفاح سكران
لٍشفاه بتقول.الجنه حرام.
مين المسئول لالف وادور وأنتي بهذيان.
واهو كله جنان

 للي يسلم عقله لوساوس اسمه غرام....
mahmoud aly

محتاج للحب يكون موصوفلي
اجري علي حضنك واتلكك
انا واخد اصلا اكون موجوع
واتندم اني فيوم احتجلك
ف اقع واقوم.
يرمني الحظ بعيد عنك
اتعب وادوخ
اسهر واشكيله مين انتي
اشمعني تكوني في سفنتي
شراع مربوط فيه روحي
واكون مجبور
اني أتعايش فسجن ظنون
mahmoud aly

بقلبي مكان....

لسه ليكي ف قلبي مكان
ك اول مرة شوفتك فيها.
نفس الضحكه
نفس التوهه
نفس العشق جوه عيونك
وانا عشقان اسكن فيهم ذي زمان
نفسي بجد احضن فيكي
أروي ظمئي برعشه ايدك
وانا بحضنهم
عايز برد الدنيا يجي لـ عندي
علشان ادفيء بحضن عنيكي
وافضل سارح طول الوقت
انتي حقيقيانتي ازاي..
ده مفيش غيرك ساكن قلبي
واخده مني حتي الروح..
واخده كل كياني لعندك
وسيباني لوحدي
اعاني الوحده ويا شموعي
بظلمه ليل.....
mahmoud aly

ألاحد الساعه 5 عصرا يوم7/9/2014

مسابقه شعراء الواحه شهر(9)

خاص بالمسابقه""
ــــــــــــــــــــــــــ
أخر ضوء..

مخلوق ع الفطرة ألآلهيه
انسان وسط البني أدمين
تايهين
ماشين
علي الخط المرسوم..!
حافظين.
بنمثل علي بعض اننا عايشين
لكن اموات...
اموات ف الحلم
بنعبي بكراتين اوهام
مدفوعه ألاجر
مركونه برف جنب البرواز
لكن تتشاف باخر ضوء من خرم الباب
والباب مفتاح الفوز
والقلب ازاز
معروض للكسر
ممنوع م اللمس
ممنوع حتي يكونله صوت
عايش بسكات
نبضه بحالات
يصحي بس بوقت ألازمات
بطلوع الروح.
فَتوة الروح بالملكوت
مع اخر صورة ف كدر
جنب الكرتونه اياها وابص لفوق....
شر البَليه م يضُحك""..!!
وضحكت كتير ايامها
وبدور علي حد يشبهني
فالو مجذوب.قلت مظبوط
فقفلت عيوني ع دمعه
وصاحبني كتاب ع همسه
وصاحبت هموم...
وبقيت درويش من غير سبحه
وبقيت مسكون اوجاع هَشه
بتمطوح بوريد مسموم..
صاحبت واحد ملوش لازمه تملي يخون...
خُنت كتير افكاري.وكُنت شيطان لآهوائي
وكنت حافي ك العاده من عشق جنون
رصيف الشارع يعرفني..وبيت ب الحارة مسكون
جريت للغربه سبقتني..
حضنت الدمعه جرحتني..
لاقني الموت بتعجز
حَرمني الراحه بسكوت..
mahmoud aly

مخلوق ع الفطرة ألآلهيه
انسان وسط البني أدمين
تايهين
ماشين
علي الخط المرسوم
حافظين.
بنمثل علي بعض اننا عايشين
لكن اموات...
اموات ف الحلم
بنعبي بكراتين اوهام
مدفوعه ألاجر
مركونه برف جنب البرواز
لكن تتشاف باخر ضوء من خرم الباب
والباب مفتاح الفوز بقلب ازاز
معروض للكسر
ممنوع م اللمس
ممنوع حتي يكونله صوت
عايش بسكات
نبضه بحالات
يصحي بس بوقت ألازمات
بطلوع الروح.
فتوة الروح بالملكوت
وابص لفوق مع اخر صورة ف كدر
جنب الكرتونه اياها...
mahmoud aly

شر البَليه م يضُحك
وضحكت كتير ايامها وانا بدور علي حد يشبهني
فالو مجذوب.قلت مظبوط
فقفلت عيوني ع دمعه
وصاحبني كتاب ع همسه
وصاحبت هموم...
وبقيت درويش من غير سبحه
وبقيت مسكون اوجاع هَشه
بتمطوح بوريد مسموم..

صاحبت واحد ملوش لازمه تملي يخون...
خُنت كتير افكاري.وكُنت شيطان لآهوائي
وكنت حافي ك العاده من عشق جنون
رصيف الشارع يعرفني..وبيت ب الحارة مسكون
جريت للغربه سبقتني..
حضنت الدمعه جرحتني..
لاقني الموت بتعجز
حَرمني الراحه بسكوت..
mahmoud aly
#حاله

انا شاعر دايما بيكٍ 

ونسيت الجرح بايدك
وبفكر اني اسامح

 واداوي الجرح بـ غيرك
وهدعيلك لما تجيني

 ان جيتي بألآحلام
مع اني واثق جدا 

معرفش ليلتها أنام
من أمتي كان أحساسك

 ذي احساسي تمام
انا مخلوق ع الفطرة

 اتحمل غدر الاحباب
mahmoud aly

مش كل الدمع اللي بعيونك ضيء
ولآ كل الحزن المتسرسب علي خدودك عشق
ولآ كل نجوم الليل شاهدة علي فراق
أزاى بتكوني جامعه الضادات
وقت م احتاج اني اضمك وانا حلمان..
يمكن وهم عايشه بخيالي
او من كتر العشق مش شايف
ان الورد دبلان...
mahmoud aly

 مات نزار
ولم يكتب لي اخر قصيده
لم يخبرني بأني ملامحي جاذبه لفتاه العشيره
مات نزار وماتت معه كل النساء ألآنيقه
مات الانسان داخل الروايه الحزينه
ألآ انا....لم ياتيني الموت
كي اسجل كل اخطائك
وباقي افراد القبيله....
mahmoud aly

كنتي نور عيني

كنتي نور بعيني دايما
لما عنيه تسهر بالضلام
كنت اقلب في اللي
باقي من شويه ذكريات
كان نداكي بيروي وردي
كان اطهر من الضياء
كان زماني هو امسي
كانت روعه ألاحتضار
لما بس اشوف بعينك
يتزحزح عني النهار
كنت عايش بس ليكٍ
كنت شايف واحد غيري
هو هو نفس شكلي
نبض قلبه مش غريمي
دق قلبه كان وليدي
لما كان لي اختيار
mahmoud aly

بحبك جدا علي فكرة

بحبك جدا علي فكرة
بحب القهوة تكون ساده
بحب الاسود فـ الالوان
بحب اسمع حليم ونجاه
بحب الغمزة اللي فخدك
بحب الغيرة لو كات منك
بحب حاجات ملهاش اخر
بحب فضولي المتكرر
واضايق جدا لو قولتي تمام
هو انا زعلتك..!!
لا مش زعلان....
لكن حيران ..مين انت
وليه انت.. مني محتار
وسكوتك بيزيدني جنان..
mahmoud aly

لآ ادعي بأنك مجرد وحيء
يأتيني بين الحين والاخر
ولآ صورة بالقلب محفوظه
تصحي فيه حاجات
كات بالرف مركونه
ولآ دمعه جريت وراكي
اول م كنتي مخنوقه
بل اكاد أجزم..
بأن قهوتي الساده
عاكسه شفايفك
وسكرها بقي عاده..
لآ ادعي باني بالهوا دايب
ولكن عشقي لكي بزياده..
mahmoud aly

 اقتربت اكتر م الازم ساعه لقياك
والشمس اخيرا هتدفي قلبي البردان
والورد اللي كان بيوم دبلان
فاح عطرة بكل مكان.. اصبح مجنون
اصبح محتاج لمسه ايدك
وضمه حب بعيونك..تديله حياه..
mahmoud aly

حليم..من فيلم موعد غرام

بتأثر جدا
لما الاقي اتنين سايبن بعض
بفيلم حليم..كانو اتعهدوا انهم عاشقين..!!
كات فاتن مش بتصدق كل كلامه..لكن بتحب
صَلح نفسه وكل عادته..عشان بيحب
هي صحيح كتمت حُبه..!!
بس الواضح انه مفهمش
قالت كلمه بنص الفبلم.اثرت فيه
ان الحب مش لازم كلمه بس تتقال
اصل الحب تملي بالآفعال
انك تزعل لو زعلانه
انك تضحك وهيه مبسوطه
انك تكست وم تتكلمش
لو شوفت الغدر باين فـ عيونها
تلمس فيها كل جنونها..
وتقول معلش..
يمكن ترضي كل غرورها
وتاخدك بالحضن..
mahmoud aly
#حليم
#فيلم_موعد_غرام

تشرب قهوة..!!
مش كَيٍف
محتاج للريح تاخد احزاني بدون تفكير...
محتاج الليل يسهر فـ مكاني ويغني وحيد..
محتاج تنضيف جوه عروقي
وقلب حديد....
mahmoud aly

   #تخاريف

بعاقب نفسي اني اخترتك
وبعاقب كل قلوب عطشانه للميه
انها م تشربش...
وبعاقب نجمي السهران علي شباكي
وبنزل كل ستاير روحي وافضل عريان
من اى تفاصيل يمكن بيها تعرفني
والعين المليانه اشواق...تفضحني..
mahmoud aly

الجدير بالذكر
اني عايش من زمان
وقت ما كان الحب عيب
والوقفه علي النواصي بلطجه
كان البيت من غير بيبان
والاحترام كان مطلبي...
كان زمان...!!
القلب بتزيد دقاته
لما اشوف حبيبتي من جنب بيتي معديه..ياااااااااااااااا
ويا سلام لو رمت السلام....
تبقي الدنيا مش سيعاني...كان زمان
ولسه عايش جوايه
كأن امبارح جه دلوقتي
والفجر نور احزاني.هربت الوحده من شباكي
عشت ألآحلام بكل تفاصيلها..ودوبت غرام
ورجعت شباب اكتر م الاول..مع اني واخد دبلوم..
mahmoud aly

كان ليه كل الوقت بـ التفكير
وتصارع قلبك ويا وريد..
تسمي حاجات..تسهر تحتار
مع أن النبض بـ أحلي حالاته كأنه جديد
لآزم هـ تعيش.."
مرة مشتاق
تتألم اشواق
تترجم كل مشاعرك وألآيد فـ ألآيد
ويشاورو عليك كل العشاق
أنيق وجميل..""
كان ليه كل الوقت بـ التفكير
وتعيش العشق م بين أوراق
والضيء خفيف
يشتد الريح ويمطوح فيك
يرميك علي جسر م ألآحزان
فـ تنام قلقان
علي بكرة انه مجاش..
وأخد أعدام
والتهمه.. ساجن قلبك م ألآفراح
ولا عاش مرتاح
مع حب يدق عليه الباب
mahmoud aly

البنت غنوة الناي الحزن منه يتفزع
البنت رمز البراءة بدون ادانه تتوجع
البنت شبه الماضي الجميل فرقته
البنت هي الحنان فقدانه الحياه تتمنع
mahmoud aly

عايش دايما بألآحلام
راسم فيها كل أماله
وانه بجد.زي م قالو
حالم جدأ .بس حقيقي..
واخد عمرة لـ خطوة جديده
شايف نفسه ببدله انيقه
سايب ايده بوسط الريح
حط عليها كل حموله
وهيه سعيده...زي الطير
رجعت تاني لسابق عهد
اديها مشغوله بحبيب ع ألآد
شفايف راسمه الضحكه بجد
وحضن يساعي فوق الحد..
عايشه كل جنون اللحظه
وهو ساعدها لانه حب
هما اتنين.قلبين خالين
اتلاقو بغمضه عين
وصارحو بعض...
mahmoud aly

المجد لكل واحد عايش بـ فراغ
وكل واحده مضيعتش حبها ببلاش
المجد للشمس بعد غياب النهار
ادارت جوا مطرح يضمها وقت الانهيار
المجد لكل ورقه رغم الخريف واقفه بأذدهار
لمه حروف الكلام جو سطور الغرام
المجد للعايشين..والغايبين.واللي اكلتهم السنين
المجد للي راحو وليهم الف ذكري فوق خد الملام
المجد للي لامس اوتار ضلع فيه مات..
mahmoud aly

بـ عصر النهضه
كان انسان
كان شايف بعيون انسان
كان احساسه احساس انسان
لما اساسا كان فيه عشاق
كان ياما كان.لما مكان يجمع قلبين بمركب واحد
وسماهم مفروشه نجوم
بتلاعب ضيء عيون
تهرب من قدامهم كل غيوم
من كتر مشاعر بينهم
تشعل نار بغروب الشمس
لما الايد تلمس خد..او تلمس حب
تبقي الدنيا بحضن معاهم
تنزل فرحه دمع كات جواهم
هو حقيقي كل ده جد.!!
نامت ...صحيت وحبيبها معاها
نسيت ان الروح سكناها
لما فارقها ..وقالت لآ..
لما شافت ادمان بعيونه
وان هواها ساكن روحه
خافت تبقي لعبه بايده
وتسلم قلب كان مش ليها
وقالت لا..
mahmoud aly

مش دايما اللي بتمناه
بلاقيه مستني حضوري
مع اني شايف جواه
لهفه قلبه سابقه عيوني
لو كلمه منه تتقال
امسح من عقلي كل ظنوني
واعيش وياه
واحضن ف هواه
واستني الاصحاب يهننوني
اني استوليت علي قلبه
واشيل م العمر ايام كانو فارقوني
mahmoud aly

مش مهم اكون قصادك
ولا حتي اكون خيَالك
لتوعديني..
مش مهم حاجه خالص
او يكوت بقلبك ناقص
تكمليني..
مش ضروري تبيعي قلبي
او تتشعلق روحي فيكي
وتلوميني..
مش مهم اعيش حياتي
زي م انتي هتعشيها
وتهجريني..
المهم اكون بحبك
وانتي بس تعشقيني
mahmoud aly

شهداء الوطن

ازاي قادر بجفن تغمض
وتنام مرتاح البال
ده بهيه قلبها بيتقطع
علي دم ولادها اللي سال
طب اسال نفسك لو تقدر
لو ابنك كان منهم مات..
هتعيط..؟
ولآ هتندب حظك ..!!
انك فـ اليوم ده أمام
ووراك بيقولو أمين
حتي لو بتلغبط
وتصلي الفجر اربع ركعات
انا عارف اني بغلط
وانك بيه تقدر
تعمل م الفسيخ شربات
mahmoud aly
#شهداء_مجزرة_رابعه
#شهداء_الوطن_جميعا
#لكم_مني_السلام

عاشق مــصــــــــــــــــــــــــــــــــــر

البت بتاعتي
(قصه) وانا حرف
(غنوة) وانا لحن
(شمعه) وانا حضن..
البت بتاعتي قصه وانا حرف فيه مكتوب
...............غنوة وانا لحن بيه مكسور
...............شمعه وانا حضني طاقه نور
البت بتاعتي صورة بـ كدر متخصص
جايب حتي النقطه السوده
المحفورة بقصه قديمه
لما حبيبها مات جواها
لما اغتصبوا منها الفرحه
وكتبوا كتابها غصب..
البت بتاعتي
صورة طبق ألآصل من أم شهيد
عايشه القهر بذكري وليدها والايد ع الخد
البت بتاعتي جوه عيونها اميال م الحزن
ناشف عودها من ذكري الفض
شايفه قبورها ملو ألآرض
ويافطه بتضوي تحتي شهيد
أهـ م الدمع المكبوت بـ القلب
لو قدامه مجرد شَق
ليروي ألارض.يطرح دم..
وبرغم ده كله.
هفضل شايلك فوق ع الراس
واللي يقرب منك اكويه بالنار
اصلي انا الواد اللي قالو عليه
عاشق مصر
mahmoud aly

خاص للمسابقه..جمعيه واحه شعراء العاميه

خاص للمسابقه..

سامحني يا صاحبي...

اكتر حاجه بعملها..العب شطرنج
وارسم ف الخطه ثواني
وبحركه بسيطه صاحبي يعاني
ويبداء بالضرب..
ويضرب بسيجاره حشيش
والقهوة معاه بتزيد...
اكمنه واد لاعيب
كان لعبه دايما ناشف..!!
اول م يحط بـ جون..
الآقيه مرمي باحضاني_
انا فكرك والله يا صاحبي""
رايح فين _وسايبني لوحدي_
بين جدران الحياه الكئيبه ..
مين لما انادي عليه يجي بسرعه؟
ويكون بين ايديه.
مين هيقضي طلبات الجيران؟
مين هيمشي بجنازاتي ويدعيلي بالثبات غيرك انت.
فاكر قصه حُبك...وفاكر ساعه م تسابت"
ساعتها كنت مضايق..وبتسب لايتهو بنت"
هصدق ازاي انك مُت...!!
عايز اشكيلك مرة..
مبقتش اشوفك بالحلم
عارف انك سامع مني .
حاسس بحرق الدم
وشايف كل اللي جرالي
اول م خدت الطلق
ياريت تطمني عليك.
وتصبر كل اللي معاك
انا عارف. اتاخرت عليك..سنين عدو وفاتو
سامحني ب لله عليك.. انا ماشي لسه بمشوارك
ماشي بمشواري هكمل.
اللي عشانه انت استشهدت..
mahmoud aly

سامحني يا صاحبي...

اكتر حاجه بعملها..العب شطرنج
وارسم ف الخطه ثواني
وبحركه بسيطه صاحبي يعاني
ويبداء بالضرب..
ويضرب بسيجاره حشيش
والقهوة معاه بتزيد...
اكمنه واد لاعيب
كان لعبه دايما ناشف..!!
اول م يحط بـ جون..
الآقيه مرمي باحضاني_
انا فكرك والله يا صاحبي
وفاكر قصه حُبك...وفاكر ساعه م تسابت"
ساعتها كنت مضايق..وبتسب لايتهو بنت"
هصدق ازاي انك مُت...!!
عايز اشكيلك مرة..
مبقتش اشوفك بالحلم
عارف انك سامع مني .
حاسس بحرق الدم
ياريت تطمني عليك.
وتصبر كل اللي فيهم
انا عارف اتاخرت عليك..سنين عدو وفاتو
سامحني بلله عليك.. انا ماشي بمشواري هكمل
انا ماشي بمشواري هكمل....
mahmoud aly
‫#‏المجد_للشهداء‬
‫#‏حق_الشهيد_أين‬؟
‫#‏اللهم_انتقم_من_كل_ظالم‬

الدنيا مش سامعه
الدمعه مش حاسه
اننا انا وانتي بعيد..
جراحنا لو وَلعه
قلوبنا مش نافعه
وريد وناقصه وريد..
يا شمس وين بتروحي
طَفيه كده بـ سطوحي
قالولي مش راجعه.....
يا فرحه امي وابويه
الفرحه ليه.. شامعه...
يا دنيا ليه قاسيه
مرمطاني وليه ناسيه
انك ف يوم هتزولي
وتبقي (مندسه)
وتبقي مندسه....
mahmoud aly

اياك تفكر بذنوب
فكر ازاي منها تتوب
واغسل الروح
ببياض التوب
اللي علي قدك
ونام مغلوب مش غالب
والله علي امره اكيد غالب
تلقي الفوز
وحاجات تانيه
متعانه لما تعوز...
وافتح من قلبك للحب بيبان
وخلي الفلتر باول باب
تعيش مبسوط
واياك تفكر بذنوب
فكر بس منها تتوب..
mahmoud aly

اسف بجد
علي اللي مات
واللي لسه من #فلسطين هيتقتل
والكل نيام..
دم الشهيد م اشتكي اصله م مات
كل الحكايه ان الروح فارقت الجسد
والروح عايشه بتندب حظنا علي عمر فات
اسف حقيقي
م ملكش غيرأني اعزي روحي
والملم باقي جروحي
وادعي للعروبه بالخفاء..
يارب تقوملها قومه وتنسي مرة الغباء
يارب
يارب
تقبل دعاء....
mahmoud aly

بيحب جنانها كتير اوقات
ويحب تكون من نظرة عين فاهمه حاجات
مع ان الضربه القاضيه بماتش ملاكمه
كات شايفه انه كسبان
ورغم خسارته قام فرحان.
الحب بينهم اصله عادات
اتعود دايما أن القرب اصلُه بُعاد
وبرغم القمر علي الشباك يادوب يتشاف
فبستناه
شايف فيكي كل وريد
حاسس بكل وليد عايش جواك
أكمنه حلال...أكمنه حياه
أكمني كمان سبب لقياه
فروحتي بعيد من غير سلامات
طب هنساك....
هـ نسي الوعد
هـ نسي الحضن
ونسيتي الدمع ليوم حزنك لعزيز فقداه
نسيتي الايد اللي ضمت مخاوف عيشاك
كنت معاكٍ فيها بكل كياني
واستحملت جنانك كتير اوقات
والشكوي بس كانت لله...
mahmoud aly

اٍكتشاف المعني جوه الحرف
أنك تكون واخد م الوجع الف
وحابس نفسك جوه نَص
وقصيده كلها تحريف
فبلاش تخويف لظنونك
خليها عايشه بدون تزييف
منتش حريف لتكون هداف
تخبط كام لمبه بشوطه
فـ تشوف الضلمه
كما البركان جوه ضلوعك
تكسر قلب مرسوم جواك
واخد خوفك م الايام
من دمعه محبوسه
علي حيطان اوضه
وعفار صورة بتشكي حنين
بتئن أنين مشروخه
نفس الزاويه محسورة بظلال
أوراق
بكتاب مقفول لـ ذكري ملغومه
للقاء الصبح اللي مطَول
لآكتشاف المعني جوه الحرف
mahmoud aly

مربعات.............

كان ممكن ايدك ترسم وتلون بمصير شوفناه
كان ممكن تمسح بعيونهم دمعه ع الخد ألماَه
كان ممكن حضنك يساعيهم وتطفي نار جواه
كان ممكن ترجع زي ألآول ندمان ع يوم فُرقاه
mahmoud aly

انا والحزن ع طول اصحاب بنحكي لكن م بتكلمش
ان جات البسمه يوم ع الباب تدخل لكن م بتطَولش
باخد دايما بالآسباب.وتعويذه ويا حجاب وبرده منفعش
قولت اصاحب بني أدمين واكمل نص الدين طلع م عجبش
mahmoud aly

 

 معجب يعني بالوجع
طب الضم فيه
لو كان اصله جدع
م يلزقش فيك...
mahmoud aly

هما قدرهم يلبسو ميري
ويبقو جنود(
كانو شايفين ان ده واجب
حب ودين
كانو شايفين انه وطنهم
وان عليهم يسدو الدين.
كان أحلامهم زيٍ انا وانت
يكونو عايشين.
بس رصاص الغدر أخدهم
بعز شبابهم.
وراحو رايحين.لحد سبقهم
مع ترقيه.. بالملكوت
واتغير اسمه لآسم شهيد
mahmoud aly
#رحمه_الله_علي_جنودنا
20/7/2014
7am

لسه فيه عيون وحشاك.
قادر تنسي هموم جواك
حاول توصف حاله معاك.م غير تزييف
ارمي لبكرة فكرة جديده.
انسي امبارح بكل م فيه
عيش ايامك.بقلب نضيف
هتلقي الريح وقفه قصادك بتطوح فيك.
اوعي تخاف
يجوز حلمك لسه م جاش
فـ متخفش
أكيد نسياك
فعيش يومك بدون تزييف
فبلاش تجريح بـ همومك
كفايه اللي هيه فيه...
mahmoud aly

انت أزاي.. قادر توصف بـ جمال الكون
وقادر تفتح كل بيبان القلب لكل الخلق
مع ان حياتك عايشه الوحده من غير لون
لامم كل جروح الدنيا ورافض منها تفوق
أمتي تفوق؟
امتي تطفي كل شموع حواليك
تخلي الشمس تكسر ضلفه من شباكك
هيجري أيه!!
لما نورها يجري بكل عروقك
وتزرع فجر جديد من غير دمع بابن بـ عنيك
باين جدأ.. انك شايل فوق راسك حمل تقيل
بتلوم نفسك ان شعورك زايد حبه ومهنش عليه
انك شايف بعيون قلبك وانه اعمي من غير قلب
عادي جدأ..انك مخلص ليها بـ حبك
عايز ايه.. غير انك صادق قدام نفسك
وان عشقك ليها مكنش نزوه
بكرة تندم ان بحورها نشفت م الميه
وتعيش باقي حياتها عطشانه ليك
اوصف كل جمال الكون
واضحك ضحكه قويه من غير لوم
مين هـ يلومك عل صدق مشاعرك
mahmoud aly

عارف تكره
طب عارف تغرق
طب عارف ترجع زي ألآول طفل صغير
من مدرستك للعب الكورة منتش فاهم
ولا محتاج تشغل راسك بهموم حواليك
شايف بس الون ألابيض
عايش جوه الحب ألآكبر
راسم دايرة ولامم كل اصحابك
حتي جيرانك فرحانه بيك...
فاكر لمه فـ بيتكم في رمضان
وباب البيت مفتوح للآخر..منتش خايف..!
اوعي تقول كانت أيام!!
وتندب حظك انك عايش بزمن تعبان
محتاج لطبيب جراح.
يستئصل كل جراح
شافتها عنيك من بني أدم
mahmoud aly

عن صورة جنب سريرك بالبرواز..
بئلها سنين علي كده حال
مفيش تغيير....
غير انك عايش لحظتها ألآن...
نفس الدفيء فـ عيونك.وجراح فـ مكان
وكام سؤال مجاوبتش..(الحمد لله)..
مفيش حاجه تستاهل لآكونه أمان.
واديني عايش علي ذكري .وسهرة جميله
ولقطه بصورة حضناني زمان...
لما كنا وقتها عشاق..
mahmoud aly

لسه بتعشق؟؟؟؟

لسه بتعشق ريحه برفانها
حاسس نفسك انك واد تاني
وقت ايديها م لمست ايدك...!!
لسه بتتحجج بأنك قاريء كف ملهوش مثيل
علشان تفضل ماسك ايدها لوقت طويل
وترجع تاني تعاني غيابها...وتروح لطبيب..._ _
فاكر انها بتعشق فيك
وان الدنيا بحالها تحت اديك
لما تحضن فيها ..تدوب فـ عنيك..
فاكر اخر مرة؟؟
لما رجَعتو شريط ايامكم
وبعز حنانك وانت ضممها
صوت تنهيده طلعت منها
ندهت اسم...!!
اسم عاشقها......
لسه بتعشق...........؟؟
mahmoud aly

موجوع حقيقي

موجوع حقيقي لكن مش قايل
وان قولت يعني هـ تسمعيني..
بامارة أيه..!!
لما سنين الشيب سايبه كل علامه براسي
ووقت شبابي سابق كل العمر اللي م عشتوش
وطبعا راضي...
تقومي تشيلي تحطي

 اوجاع الليل داخل شرياني
حتي الورده اٍن صحيت بدري
رغم عطشها

 مش سايبها تشم نسيم الصبح
وطبعا راضي بكل ألاامي

 لاجل اشوف البسمه فـ وشك
  وروحك تلضم بخيطان روحي
وتغزل حكايه صبر يدفي ضلوعي..
اه لو تسمع كل حكاوي الضهر

 وتلمس قلبي
كنتي ساعتها لسعت ايدك نار جواياه 

ببعدك عني
بس خلاص بكرة اكمل لحروف اسمك

 واحضن فيهم وقت غيابك
mahmoud aly

جلابيه ابويا

ذات اللون الباهت
مدعوكه ايام وسنين
وخطوطها علي قد م شافت
شكواها كان كله حنين
جلابيه ابويا دي حكايه
تتلخص بسطور نضارتها
عاشت بالحب معايه
وانا عشت اخد بخاطرها
جلابيه ابويا لابساني
معروفه لولاد حتتنا
بالفرح والحزن سبقاني
مهما كانت هيئتها
جلابيه ابويا مشهورة
بالصدق وكرم أخلاقها...
mahmoud aly

فينا اللي فينا
ولا حد حاسس بينا
ان مر يوم علينا
عدي ولا سلم..
زمن المحبه كان وقت وفات
مفضلش منه غير الذكريات
العيب فينا..!!
ولا اللي انعدم فيهم الاحساس
mahmoud aly

متزوديش الهموم بـ كفايه بقي
انا راضي بـ المكتوب
ونسيت انيٍ أنا
ليه مصمم تفوت
فـ الوريد والحشا
مكفكش القلوب
تحرمها لحظه هَنا
يا مصبرين الدموع
م شفتونيش هنا...
mahmoud aly

انا شاعر دايما بيكٍ

 ونسيت الجرح بايدك
وبفكر اني اسامح

 واداوي الجرح بـ غيرك
وهدعيلك لما تجيني

 ان جيتي بألآحلام
مع اني واثق جدا

 معرفش ليلتها أنام
من أمتي كان أحساسك

 ذي احساسي تمام
انا مخلوق ع الفطرة 

اتحمل غدر الاحباب
mahmoud aly