عمرك بـ الشقا كام..

عمرك بـ الشقا كام..
جربت تطلع للقمر وتسئله
ليه نوره مش فارش ضيا
ولا عاكس صورته علي الولاد
اللي لسه بيحلمو
ارق..وفارد وواخد بوشه ألآلم
اللي متوزع ع الشجر
دورك لسه مجاش يا دوب
محصولك جاله العفن
وانت حلمك م نتهاش
ولو حتي انتهي.. هينصفك؟
بامارة ايه نهارك كده يفوت
والليل يجيلك بخبر...
يا خبر علي الموج الحزين
اللي مرمي بحضن الجبل
م اشتكي الا الماء العقيم
جوه شروخ الزمن...
عمرك كام بالشقا
وألالم...
يا ما منك اشتكي.
نفسه بالمنتهي
او ضل سحابه جات غلط...
mahmoud aly

بحياتك حد تاني؟؟

كنت عارف انا بحياتك ايه.
لما هونت يوم عليك..
كنت شايف نظرة منك
ليها كام دليل..
اني بس عابر.. مش ساكن عنيك..
كنت حاسس بكل نبضه..كان ساكني الف دمعه
وانت رافع اديك عليه تشاور..........مهنتش عليك
ليه تحرمني ولو بضمه..تبقي عندي ليها ذكري
لما بيوم محلمش بيك..
كنت عارف اني عابر
وبحياتك حد تاني
ومهنتش عليك....
mahmoud aly

ضرب البنات غيه

لمي جنب منك
عيالك البردانين
العطشانين
حريه..
وعلميهم الكلام
بحريه..
ولمي معاهم
الحجاب
والنقاب
ده الحياء منك
طبطبي بأديكٍ
عليهم
واعلني رفضك
للحياه
طالما البنات
ضربهم غيه
mahmoud aly

كحلي عنيكي

كحلي يابت
عيونك السود
ولا تحطي روج
ده جمالك رباني
وهو اللي صانك
وهو اللي عالم
بلي عليكي طاغي
وناسي انك انتي
من بنات الحور..
كحلي عيونك
ده ثباتك وجودك
وللظالم ظنونه
ان حياته خالده
ميعرفش ان انه
معاده قريب
ويشوفها بعياله
كما قال الكريم
داين تدان ولو بعد حين
mahmoud aly

يمكن نسيت
معقوله؟
مش ممكن اصدق
اني بقيت بالنسبالها شيء عادي
ولا جتش فـ يوم علي بالها
وايه المانع؟
يوووووو...
هو انتي يانفسي علي طول شغلاني
حتي شيطاني
ناذل زن اهـ يا وداني..
ابعد عني وسبني فـ حالي
انا لحبيبتي وحبيبتي لي
بس نصيبها تروح لبعيد غصب عنها.
وانا بعزرها
ايوة عزرها
ملكش فيه....
mahmoud aly

ومين قالك
تقومي الليل
من بدري
وتستني ظهور البدر
ليقولك
اني راجع قوام
لحضنك...
منا راجع.....لو قلتي بس ارجع
ومش هنسي ولو حتي ذكري
تفكرني بلي فات..
ده سنين عمري مشتاقه هواك
يا احلي حاجه حصلتلي
رغم أساك..
وهستناك
تقولي أرجع....
mahmoud aly

مستني حضورك بألآحلام

لايق عليك
سواد الليل بعيونك
كما لبسك
علي عودك
وانا مستني
لحضورك بالاحلام
وكتير ايام بنتلآقي
وضوء شمعتك
علي الشباك
واعزف لحني علي عودك
وغنوة عشق اغنيها
ولمسه ايدي علي كفوفك
تزيدني حنان
ونار الشوق تشعلني
تدوبني
اقول والله زمان
انا وانتٍ وضوء شمعه
ع الشباك
تنسينا بُعادنا سنين
ونبتدي من تاني غرام
ورقصه سلو
اتوه فيها باحضانك
ونور الشمس علي بابك
تصحيني من أحلي منام
mahmoud aly

ونسينا....

ونسينا حتي الدمعه
وفضلت تجرح فينا
ولا حتي الكلمه ترجعنا
نعيش من تاني أمانينا
سبقتنا الخطوة بتندهنا
ترسمنا
قلوب..
ومشينا
ونسينا نداوي بجروحنا
ونسينا حتي أسامينا
وخدتنا
ألآيام
وودتنا
وضاعت
ضاعت بـ الطريق أمانينا
mahmoud aly

يا حلمي ليه مداري

يا حلمي ليه مداري
عن عيون الناس
ناقصك ايه لتعدي
وتزوق الباب
منيش مرتاح
لتأخيرك
ولا غضبان لتأويلك
أنا محتار من نفسي
لحلمي يعدي يقوم
م يجيش
ساعتها ليلي هيبقي نهار
ولا نمش
وهعاقب النجم اللي مداري
واقوله أمشي
mahmoud aly

أوعي تقوليلي مالك؟

أوعي تقوليلي مالك؟
وايه اللي مسهرك يوماتي
يا ستي مفيش,,
طالما مجتش علي بالك
بتسئليني ليه؟
طالما احساسك بيعاني
ذنبي أيه,,
م انتي اللي بُعدك خلاني
منمش الليل,,
وحرفك لما يتكلم
وعينك لم تتبسم
بشوف الويل
واتعذب
وأديني يا قلبي بتحمل
ليروح الغيم
ونتقابل انا وأنتي
ونتعاتب
عتاب لآخر الليل....
mahmoud aly

كأنك قرائتي افكاري
م بين اللحظه والتانيه
أهات القلب وصلآني
وايه تاني يداويني غير
لمسه علي جبيني
وضفايرك تداعب
ضيك علي عيني
وايه تاني يصبرني
ويواسي النبض بوريدي
وايه تاني مخليكي
سمعاني ولا تجيني
وايه تاني..
mahmoud aly

مش ناويه
تبعتيلي من شفايفك
نقطه عسل
تروي عطش الحنين
انا مش طالب قيراط نغم
انا طمعان بكام فدان
وكام شريان ..وكام بلاذمه
انا م ألآخر تعبان
محتاج اسكن جواكي
بس أديني ألآمان...
mahmoud aly

جالي الوحي

بفكر أتوب عن حُبك
وأكفر علي عمري
بنسيانك
لاقتني الغفله وخداني
وجالي الوحي
يحاسبني
علي عشقي
وليلي اللي بات حزين
علي بابك..
وكم كتاب يسجل أخطائي
وكام نجمه تنورلي طريق
واسيبها وامشي بطريق تاني
والعند اللي راكب راسي
ومنسيني بريق عينك
فضميني واشفعيلي
لنار العشق اللي كويني
وسامحيني لنزواتي
واغفريلي ذلآتي
وهدعيلك بصلاتي
لترجعي لآحضاني
mahmoud aly

مش عايز أتساب

مشكلتي اني عارف جدا
ان انا وانتي حاله مش صعبه
لكني بتهرب منك
ودي عادتي ملاذماني زمان
دايما بحب العزله
واخاف اقرب م الناس
لا عمري عاكست بواحده
وكبيري كوبايه شاي
انا اكتر واحد يتصاحب
واصحابي مش بس ولاد
لكن انتي عندي بالدنيا
ومش عارف اقولهالك أزاي
ودي بس مشكلتي
لاني بخاف م ألآحراج 

 انا اكتر واحد يتساب
لو كلمه غضبت احساسي
منا اصلا رومانسي م ألآخر
واتجنن وميت عفريت يركبني
لو شوفت حد بيغازلك
ورديتي عليه باأعجاب
مع اني واثق فيكٍ
وعارف انه بس كلام..
وتسبني البسمه وبتهرب
والشمس بتغيب ع المطرح
لو مرة معادك فات
أنا اصلا انسان بتعفرت
لو حد منك بيقرب
فبلاش اللعب باعصابي
مش عايز اتساب
 

 mahmoud aly

العدل من ربك

أفتح كل البيبان
خلي النور يبان
جوه قلبك..
ولا تحقد علي اللي كان
بيوم قبلك..
فارد للحب جسور
واقف مع المظلوم
راضي بالمكتوب
لو حتي كان ظُلمك.
مسيرة يوم هيكون
ناصر ومنصور
ده العدل من ربك
وان كان بيوم مسجون
بكره النهار هيكون
رغم عن انفك..
mahmoud aly

خربشات مجنونه

هزي بيديكي
بقاموس الكلمات
فقد أتعبني الحرف
كي يصف فيك
الجمال..
mahmoud aly
 سلفني مره ضحكتك
أوزعها من سكات
للي عايز ضحكه سلف
يقف بطابور اللي مات
أخد معاه ألابتسامه
وانت اخدت ألآهات
mahmoud aly
 خطر ببالك
ان منك بعاني
بصمتك
وجرحك
وشوق الليالي
اللي فيها اتمني
اعزفلك أغاني
وانتي بحضني
اتوه جوه قلبك
واقولك تعالي
اكيد بكرة أحلي
وانتي معايه..
mahmoud aly

لن أدون
2013
سأمحوها من ذاكرتي
الا لم تكوني
كسابق عهدك
صديقه
حبيبه
عشيقه
وترجعين الي احضاني
بل الي كتاباتي
طفلتي الصغيرة...
mahmoud aly

 ما ذالت رائحه كفيكي
علي تلك الوساده .
تداعبني وتتملقني
بأستماته...
توقظني
بمنتصف الليل
لتلقي نظرة
وأستغاثه..
mahmoud aly

 مش هصبر كتير علي بعدك
ولا عمري زاد من قربك
لتشوفلك حل كده لٍعندك
وتبيض سواد قلبك
mahmoud aly

 جميله كده صورتك
ومزاجك اللي حـير
عاشقينك.
يا طفله بعيوني
يا دمعه علي خدودي
محتاج انا أيدك
لتبرد حريق قلبي
اللي مشعلل
غياب عينك..
mahmoud aly

 ماذا اقول اذا التقيتها
ورائيت تلك العيون الساحرة
كفي بربك بي ملاوعه
فلم ~أعد أتحمل فراقها
هل تفكر بي مثلما
أعياني الحديث عن اخبارها
فماذ اقول اذا رائيت
تمتامات وعض الشوق لسانها
mahmoud aly

 ايوة سامع غُناكي
شايف ندي الشفايف
بيروي لمه شملنا
لآجل م تضمك عيوني
وتكوي نار بُعدنا
mahmoud aly

 من كتر دموعك
رويتي الارض من تحتك
الم وخوف
وزرع شيطاني
مستني يتوب علي ايدك
رماه الحزن بعيد عنك
ببحر الشوق
mahmoud aly

 اخدعيني كمان منا العشقان فيكي ومهما تبهديلني برده بموت فعنيكي.واوعي تحسسيني بالامان طالما الخيانه عايشه فيكي....................mahmoud

 شاكك فيكي انتي
ان قلبي لسه معاكي
رغم انك م قولتي
انه ساكن جواكي
بس اللي أنا شايفه
اني دايب بهواكي
قوليلي ولو كلمه
اعرف ان قلبي
لسه سامع دقاته
mahmoud aly

 وليه اساسا اصبر ع الشمس لما تعدي
منا يا ما صبرت عليها لاجل ب قلبي تدفي
mahmoud aly

كم انتي حبيبتي

ادركني الوقت سريعا
وادركنتي المسافات
وكل ذاكرتي اني اهواك
كما تمنيتك عذراء انتي
ذات الشعر الاسود
المتناثر علي اكتاف العشاق
يدعونكٍ بالعصماء
نعم.....
يدركون كم انتي حبيبتي
رغم النظرات..فلا تبالي
ولا تكترثي قُبح ألاجساد
المتلهفه لخطيئه ألاوثان
لا تبالي تمزيقهم من فوقك السحاب
عُري هم بأخلاقهم
محتشمه انتي بالعفاف
ولله الكمال بوصفك
وطن يأم ألآمصار
فمن رحمك
يولد ألابطال
mahmoud aly

لساني مستنيني

لساني مستنيني
وانت ايه؟
سامع جوه منك كلام
أفرك أديك من بروده ألايام
وبحلق

 في اللي رايح واللي جاي
واللي معاده مجاش
لساك فاهم غلط
منيش جاي
واللي عايزة منك
ترحل عني والسلام
وبلاش عتاب السنين
وسؤالك اللئيم.
مهي الشمس كل يوم بتطلع
والليل بأخره نجمه

 شايله فوق دماغها الطين
أما السحاب هو هو

 ذي م كان عني غاب
ايه الجديد؟
بلاش بقي افترا
روح من سكات
واسكن جوه منك
ونام........
mahmoud aly

وتزعل ليه؟؟

وبعد م تزعل

 هتعمل ايه
هتحزن طب احزن
وعيش الحزن ايام وليالي
وهترجع ذي الاول عادي
فتزعل ليه...
اجمع كل حزن يقابلك
طرحه هيكون ايه...
برده حزن...
ارمي دموعك برة منك
خلي الفرحه تملي بوشك
ومن كتر الضحك برده عياط
وم الاحزان 

دموع وعياط
هتفرق ايه.
غير انك هتنسي نفسك
ويشيل اللي حواليك همك
فاضحك ضحكه كبيره بجد
وارمي وراك كل هم
وم تزعلش من حد يحبك
او متعشم فيك فيقولك
ميهمكش.....
mahmoud aly

هتزعلي بجد؟

هتزعلي بجد لما عنك اغيب
ولا..لا
ولا بسرعه هتجري لحد غيري
وتعيشي الحياه
وتنسي كل ذكري عدت علينا
وكل لمسه كانت بادينا
رسمنا بيها طريق النجاه..
هتزعلي بجد
لما تعرفي اني فارقت الحياه
وان حضني ليكي اصبح خيال
واللي فاضل مني
صورتي اللي فيها وقف وقتها الزمان
كان زمان..
هتزعلي بجد؟
mahmoud aly

بحبك اه

بحبك اه
ومش عارف
اقولك ايه
كلام العشق سطرته
يجي دواوين
وحروف اسمك بقي ترنيمه
واورادي بكل ليل
اعمل ايه
وانا حتي م شفتش عينك.
ولا رمشك بايدي اتلون
بلون شعرك.
يا بت جرالك أيه
عملتي ايه غير تنهيده
صداها مداد قلبي
وتسبيله بنن العين
وبرده كمان مش طايلك
اعملك ولو حتي ضفيرة
ذي زمان.
بحبك اه
ومستني اتعلم ولو حرفين
يكونو للعشاق ملو ديوان يتغنو
تفتكري بيهم
ان مفيش ذي يجي اتنين
mahmoud aly

اللي بني مصــــــر

اللي بناها باديه علي طول علاها
لا عمره فكر بـ يوم يلوي فـ دراعها
شايل هموم بلده ولا فكر يخدعها
مهو اللي بني مصر بألآصل صينها

اللي بناها اصله واد شطور
لامرة زار البار ولا كان مخمور
صاين حقوقنا وعلي العدا جسور
كلامه ذي الشهد ووجه كله نور
mahmoud aly

عذرك أيه..

عذري الوحيد انك حبيب
ساكن ضلوعي مهما تغيب
انت الوحيد
وانت القريب
وانت المسافر جوه الوريد
انت ألآكيد
رمز لوجعي
وحاضن لحزني
وقايد شموعي بليله خريف
انت الخريف..

عذرك أيه
تيجي وتمشي
ولا تحسي بقلبي
لما ينده عليك
عذرك أيه
تقدري تقولي
أهمك بأيه.
تلوعي بقلبي
أشوفك تخبي
نظرة عينيك
عذرك أيه
تداري بُحبك
وتسقيني حيرتي
وشوقي اليك
حرام عليك..
mahmoud aly

وانا الصابر علي بلاويك.

عادي
وعادي جدأ
لما تعلن أني غريب
أيه الجديد؟
ماشي وحيد
وانت البعيد .عن قلبي انا
وانت الطريد
وانت المخادع
وانت المجاوب علي الاسئله
بتسئلني ليه؟
ضحكه عيونك..فاضحه جنونك
والهستريا ماسكه بكل هدومك
وانت اساسا المشكله
عارف كده؟
ولا انت عبيط
وعايش بدور انك غريق
وانت الخبيث
فـ عادي جدأ
حكمك عليه باني غريب
وأنا الشهيد
وانا الجريح
وانا الصابر علي بلاويك.
انت هنا ولا مشيت؟
mahmoud aly

لآ يعنيني

لآ يعنيني
يا صديقي
أي شيء
خارج حدود المكان
هكذا علموني
الرفق بالحيوان
فلآ يعنيني
كم مرة أديت الصلآه
هل كنت سليط اللسان
أم نسيته .أو تناسيته
خوفأ......من سوء العقاب
لآ يعنيني
ان كنت ملحد
أن كنت بوذي
أن كنت حامل للكتاب
فقط يعنيني
هل تمتلك بداخلك أنسان؟
mahmoud aly

مين تاني عليه الدور

ومين تاني عليه الدور
ويتكفن
ويتنصبله جنازة
والعزاء بالكوم
ودموع علي الآرض حيرانه
مليها الخوف
علي بكرة
اللي مش واضح
والواضح انه جه الدور
وحصادك اهو شغال علي ودنه
وطرحه سواد
ولونه سواد
وعيشه هباب
علي الظالم
وعلي القاتل
اللي بيهرب يادوب بثوان
ومين تاني عليه الدور
ليعيش الدور م ألآخر.
قوليلي مين
ليفصله توبين
علي مقاسه
ومش هنسي
أعزم فـ المعاذيم
وده قوُلي
قُولك أيه....
mahmoud aly

مفيش ذيك

شايفك بس بعيوني
وعيون الناس بنت
مفيش ذيك يجو اتنين
وانا واحد مش اتنين
بموت بالرمش والنني
ونور عنيك
اللي فارد جوه ضلوعي
ميت فدان علي الصفين
ورد وفل وجميزة
علي ناصيه قلبي م الجهتين
اقولك ايه علي خصرك
لما يداعب شعاع الشمس
بيسكرني.وادخل بعده بغيبوبه
تيجي سنتين.
بموت فيكي يابنت الايه
يلي مفيش ذيك
يجو اتنين
mahmoud aly

تخبرني دومأ

تخبرني دوما
بأني اكذوبه عشق
وان لعشقي اوهام
لا أعرف للمراءه سرأ
ولا أجيد فك ألآلغاز
ولاأ شتم رائحه ألآنثي
علي بُعد كيلو أمتار
تخبرني دوما
بأني أكذوبه عشق
ولا أغرق ببحر عينيها
ولا انسج م الشمس فستان
ولا اجمع حبات اللؤلؤ
ولا نرقص تحت ألآمطار
لا أعرف ابدأ امراءه
تهوي الحب علي ألآوراق
mahmoud aly

تمنيتك كثيرأ

تمنيت ان اكون شاعر
وشاعر بأنفاسك
يلتحفني عند فقدان الحرف
وان اكون للقلب قائد
عندما يعتريكي النبض
تمنيتك كثيرأ
وكثيرأ غاب الوصف..
سأظل افكر وافكر
واحلم اني طيار
وأجوب العالم
أن شئتي..
واتصدي لكل ألاخطار
من كان مثلي يعشق
لا يكتب ألآ ألآشعار
فلا يناسبك
ذلك الون
وتلك الضفائر
وتلك...!!
وتلك...!!
ولا تجميلك بالصمت..
يناسبك جدأ
ذلك الجنون
والهذيان
بالعشق..
وتجميلك بالقرب....
mahmoud aly

يا معين

مش كل طريق
مفروش قدامك
بورد ونور
تقدر منه تفوت
خلي قلبك
دايما حاضر
وكل حواسك
تبقي الحارس
لآي ظنون.
أمشي طريق
العتمه لوحدك
مهما الجن
يلاعب عقلك
اذكر ربك
وقول يا معين
mahmoud aly

اغسل اديك 

العطشانين
بالعرق

 اللي نازل م السما
وقت غروب الشمس 

علي الولد

 اللي غرقان شقا..
مستني المدد

 بحارة السقايين

 لسه المدد
شايل قطعه م القمر

 علي جبينه المتششقه
لساها عيونه الدبلانين

 غارق

 جواهم ضيء الصباح

 اللي اتهزم
من صعاليك

 قطاع الطريق

 اللي اتفرش بألآلم..
mahmoud aly

محتاج انا ايدك

جميله كده صورتك
ومزاجك اللي حـير
عاشقينك.
يا طفله بعيوني
يا دمعه علي خدودي
محتاج انا أيدك
لتبرد حريق قلبي
اللي مشعلل
غياب عينك..

قوليلي
أعمل أيه
عشان
أوحشك
سهر
وسهرت
الليل
اناجي طيفك
عشق
وعشقت
الكون
لنظرةعيونك
أعمل ايه تاني. اهـ
اعذريني
يكفيني
يا حبيبتي
وجودك
mahmoud aly

يا أنا..

لولا وجودك في حياتي
وريحه عطرك علي بابي
مكنتش أنا..
يا أنا.....
فلا تساليني يا أنا
مين أنا....

انسيني
وانسي كل اللي فات
وعيدي الحلم من جديد
مفهوش أنا.
مش ضروري تقوليها للصحاب
ولا ترسليها بجواب
أنا حاسك أنا..
يا أنا.. ودي لغه عتاب
وأن قلت خد وهات
هاتيلي قلبي أنا.
يا انا...
mahmoud aly

لآجل عيونك

لآجل عيونك
....
مش عارف ليه وازي
ماشي معاك
حتي الكلمه م بتقولهاش
هو الحزن تملي
واخد مني حتي عيونك.
كفايه الرمش
اللي مجنني وقت دموعك
لما بتهرب غصب عنك.
لما تشق
ألآرض تحت رجولك
تطرح صبر
وانا والصبر
علي طول اصحاب
لاجل عيونك
ترجع تاني ذي الاول
حاضنه ضلوعي
وقافله الرمش
الدباح
اللي مجنن كل عزولك
mahmoud aly

ردي بقي

  ردي بقي وكفايه صمتك
اللي اكتوي منه العاشقين
فرحانه بانك م المجروحين
م تعبتيش من اللي فيكٍ
بيجرحو
سيباهم ليه فيكي يقطعو
ويفرقو...
أمتي بقي
ترجعي
لايام الشباب
وتفتحي باديكٍ
أى باب
وازرعي علي وشوش العيال
لحظه امل
وبيهم افرحي..
mahmoud aly

مفيش فايده

انا والمجانين اصحابي
علي الناصيه واقفين
وكام ضحكه
وكام دمعه
وسيجاره حشيش
تغيبنا عن الوعي سنين
عن الفكرة
عن حلم ف بالنا يراودنا
وشغله تكفي
قوت يومنا
نعيش بيها بني أدمين
ولسه الحلم معاندني
بكل طريق
وطريقي مشيته سنين
م العتبه لراس التين
وبلاد الله الواسعه
اللي مش علي مقاسي
ومقاسي يادوب بركن البيت
وكوبايه شاي تًعلي الكيف
ومفيش فايده
وايه فايده والشمعه مش قايده
لتنور قلوب ماتت
ومات معها كل ضمير
مش حاسس
بشويه مجانين علي الناصيه
كده واقفين بسيجارة حشيش
mahmoud aly

انت مين..!!

انت مين..!!
...
أنت مين
لما تلاقي الكون
واقف حزين...
والحزن رافض يخدعك
ويقول أمين...
لما صوتك ينكسر
واللي انكسر
عمر السنين..
تبقي مين..
لما سحابه تبعد ضلها
وتحاول توصلها
تبعد بعيد...
انت مين..
لما الحروف ترفض تكتبك
أو حتي ترفض ترسمك
بشكل مين..
انتي مين _
بين مليون ندم
علي وجع سنين
جواها ألم
قولي مين....
mahmoud aly

يلا أرجعي

ياريت تحققي
ليه امنيتي
ورجعيني تاني
عيل صغير
وباديكي تضمني
محتاج ارجع تاني رضيع
لسه ع الفطام
منتهاش
مش عايز ارضع م السحاب
حزن والم وشويه مطر
م بيرونيشي.
فاتت سنه عدت سنه
ضاع الزمن ضعت انا
والدنيا عندي
م تسويش
الا بحضني تترمي
اديني جرعه شجاعه
او جرعه أمل
استحمل بيها وحدتي
لما تتوه مني سكتي
مش لاقي نفسي
وده احسن عقاب
لآني سبتك مني تهربي
يلا ارجعي
او رجعيني تاني
طفل رضيع
بيرضع حنيتك
mahmoud aly

منتاش صديق

يعني ايه اتجرد
من مشاعري
واخنق
بأدياه قلبي
واعيش ذي
البني أدمين..
يعني ايه..
أغير ذي
الناس ملامحي
وسلامي
يكون بصمتي
واديه علي
الجبين..

منتاش بعيد مني
لغيري بيه تحتمي
وازي اكون رغم قربك
واحد غريب
عايش جوه وحدتي
منتاش صديق
بقايمه بـ صفحتي
انت حبيب
جوه شرياني
يلا اتمددي
mahmoud aly

لآ تخبروها

قالو
لست انت مثلها؟
بالله عليكم
فلماذا اذا تشبهني.
وانا المسجون خلف قضبان عينيها
وانا الممدد داخل شراينها
فكفي التهكم
واعيدوني اليها
محمولآ علي ألآعناق
أو غرقان علي عتبات شفتيها
فيكفيني انني سأخلد روحأ ترتضيها

لآ تخبروها
بأن عشقها يجري بالوريد مجري الدم
ورغم جرحي فما ذلت أحيا رغم نزيف الدم
لآ تخبروها شيئأ عن موت أوراق الزهور علي حافه النهر
ولا عن أختفاء البدر
فقط أخبروها بأن البحر مد
وجزوري لم يكن لها أرض
mahmoud aly

عشقك
وعشقاني
تعالي نبتدي
من تاني
شاوري
وانا معاكي
هتلاقي
الخطوة سبقاني
والضحكه ضماني
والنجمه حكيالي
سرك.
ووخداني
لمرسي شطأنك
أحبك موت وايه ذنبي
وحٌبك كل م أتمني
ومهما عني تداري
شايفك بأحساسي
واٍن كان عمري بزياده
أحبك أكتر م ألآول
بحبك موت يا عمري
يا شمس ويا ضلي
ده حضنك هو جنه

mahmoud aly

لما كان لي اختيار

كنتي نور بعيني دايما
لما عنيه تسهر بالضلام
كنت اقلب في اللي
باقي من شويه ذكريات
كان نداكي بيروي وردي
كان اطهر من الضياء
كان زماني هو امسي
كانت روعه ألاحتضار
لما بس اشوف بعينك
يتزحزح عني النهار
كنت عايش بس ليكٍ
كنت شايف واحد غيري
هو هو نفس شكلي
نبض قلبه مش غريمي
دق قلبه كان وليدي
لما كان لي اختيار
mahmoud aly

موتك غلط

فكرت مرة
ليه موتك غلط
مجرد سؤال من غير م تقطع بالورق
وتعمل قلق..
انت اساسا جاي غلط
جاي بـ زمان الموعظه
المغلفه بسلوفان..
والورده متشعلقه
ماسكه كل الزمام
ممنوع المرور..
ممنوع الظهور علي جدار ألآلم
ليه ألآلم
وانت اساس المشكله
ولادتك من رحم الغبار
نشأتك وسط الضياع
هيه كمان غلط
فبلاش مقاوحه المطر
لـ تأكلك الضباع

وقت الخطر
mahmoud aly

اعيدوه لي

اعيدوه لي كما كان
لا اريد منكم تجميله
او تحديثه
اريده كما هو
وطن...
ماذ به فعلتم
اتحبونه؟
الم يكفيكم تمزيقه
فقد تعرت اوراقه
وباتت بالطرقات تأويله
اعيدوه او عنه استجيرو
واعلنو انكم خذلتموه
واعيدو ترميمه..
mahmoud aly

ياريت تفوق

ولسه ليلك ساكني
كما الهربان
ومصلوب علي عود ياسمين
والنحل علي راسي
بيتسابق علي همسي
اللي مش مسموع
ودمعه ضوء
وقوله أهـ مكتومه
تشق الصخر ينفجر ينبوع
ترويني قبل طلوع الروح
أمل وشجون
ونسمايه تعدي بحور
وتهديني لطريق مفتوح
امشيه تاني م الاول
ولا منه رجوع..

بطل تعاند
وبطل تشاور

 للقمر
وقت الغروب
مفيش هروب
ياريت تفوق
خليك هنا
أكتب هنا
أرقص هنا
علي رفات اوراق الشجر
رقصه العشق المميت
بطل تغازل بـ القدر
وتعمل فرح
اصلك مخادع وبتلعب بالبيضه والحجر
وتعمل مخاوي وتغني غناوي
مش للبشر..
mahmoud aly

صباحي مش عادي

صباحي مش عادي
بأرساله لكل اصحابي
واللي بيمر بصفحاتي
من غير حتي م يسلم
وان سلم كده بسره
احسه بـ شوقي
م هو اصلا مش عادي
انه يمر ولا يسلم
ولا دعوة منه توصلني
وهو بيصلي صلاته
ويختمها بتسابيح
ودعوة لكل احبابه
يارتني اكون انا منهم
بصبح صباح يكون موعود
وريحه الفل ويا العود
بمنامه واحلامه
mahmoud aly

يا حبيبي

يا حبيبي
أوعي مرة تبعد عني ابدا
مهما مني عانيت..
كل حته. يا حبيبي دايبه فيك
فاكرة لما كنتي غايبه عني
كنت واخد حته منك
بيها عملت ليه بيت
كل ركن فيها ريحتك
دايما شايله جوه فحضني
هو اللي مسليني ببعدك
هو اللي مسهرني الليل
ولا النن ..اهـ من النني
م يكفيني الف قصيده
افضل اوصف فيهم
يمكن عمري م يكفيهم
اهـ يا حبيبي
mahmoud aly

صعبه الحياه

صعبه  الحياه....ده اكيد
وازاي تكون فيا حياه
وانتي فيها صورة سانده علي الجدار.
هيه دي تبقي حياه؟
تبقي نار جوة صلوعي
تبقي دمعه تروي بيها كام فدان
ودي حقيقه يا حبيبتي
بعد م فارقتي الحياه
حتي الطيور م بئتشي تجي
كل يوم ترمي السلام
ولا الورده من ساعتها
دايما نايمه فى ثٌبات
mahmoud aly

اكتب كتابك علي القمر

وجودك بـ حياتي
اكبر دليل
اني لسه شايف
بس بعنيك
رائيك ايه؟
اوعي تقوليلي ده حلم بايخ
واني دايما بكون في بالك
دليلك ايه؟

طب اكتب كتابك
علي القمر
واعلن زفافك
علي الملا
مفيش جديد
هيبتدي
الا. بطريق
فاتح ضلوعه
للسما
والايد فـ الايد
تبني صروح
ترمي الهموم
يسكن بقلبك
ألآمل..
ترقص تغني
ترفض تمني
نجم جاي
من بعيد...
mahmoud aly

بحاول اكيد

محبوس جوه منك
اكثر من سؤال .
لاقادره تحكي عنه
مهما ليله طال
شايله منه ذكري.
شايله منه دمعه
لو نطقت م يكفيها عتاب.
نفس الصورة واضحه
مش محتاجه لكلام.
رغم اني عايشك
وكلك لوغارتيمات
بس بحاول اكيد
اعيش للذكريات
mahmoud aly

عيني بـ عينك

كنت معاكٍ
حتي بحلمك
ليه تتعالي
وتبصيلي بطرف
عنيكٍ..
وتقولي م حصلش
طب وريني
عيني بـ عينك
وهما يحكموا
بيني وبينك
... ونشوف الفرق
شوفتي أزاي؟
الشوق فضحاك
طب ليه بتعاندي
اني دايما حاجه جميله
وبتتمني يكون ده حقيقي
مش بس بالاحلام
وده ظني
يتحقق أملي
واعيش وياك
mahmoud aly

سلميلي علي الولاد

سلميلي علي كل الولاد
كل واحد باسمه
ولا تنسيش اللي غاب
وبلغيهم اني لسه عايش
وبحلم باألاماني
يمكن تحقق المعجزات
واشوفهم وانا واقف
قبل سنين العجاف
اللي كبرتني زياده
والشعر براسي شاب
سلميلي علي الشوارع
والواد بتاع الكباب
وقوليلهم اني راجع
بس بعد الحساب
وياخد كل واحد جزاءه
اللي اخطأ واللي خان
سلميلي بس عليهم
ولا تنسي منهم اللي غاب

قومي بقي
كفاكي نوم
الفجر ابتدا طلعته
والديك علي السطوح بيقول
انا لسه فيه الرمق
وصوتي مش مبحوح
افتحي البيبان واخرجي
خلي الضيء يفوت
  mahmoud aly

عاملي تقيل

انا مش جاي الومك
ولا افرح يا حبيبي فيك
انا بس بنصحك
لآما لعندي تيجي
او تخبط راسك بالحيط
وده كل اللي عندي
مش مجامله مني
لترجعلي من جديد
كفايه اللي شوفته منك
اسهر واناجي قلبك
وانت البعيد..كفيف
مش شايف ألآ نفسك
ولا حاسس غير بنبضك
وعاملي فيها تقيل.
صدقني مهما تقابل
مش ممكن ذيي تلاقي
اللي يحبك بضمير
ده مش غرور مني
لكنه قدري يا حبيبي بيك
mahmoud aly

أحلم معايه

أحلم معايه .
وتعالي أقولك.
حكايه غرام .شايلها بقلبي.
احلم معايه.
وخلي وراك .
كل الهموم. ونام بحضني
تلاقي دفاك.والاقي معاك.
بدايه لعمري وانسي اللي فات.
أحلم معايه.
حقيقي مش خيال.
ولا نظرة منك تلوم الغياب
أحلم معايه...
mahmoud aly

شد الغطا

شد الغطا جوه شراين البدن

 
وهز الوريد من ثباته المحتمل

 
والمحتمل انك تتوه بدهاليز الرؤي

 
نفس المنام بيؤرق وحدتك

 
وقهوتك متحليه بشويه ضباب 

 
والبرق عامل ملحمه ويا السحاب

 
لسه القمر بيلعب مع العيال

 
وقت المطر ..

ولسه ليلك

بيسكنك

 
كما الهربان

 
ومصلوب علي عود ياسمين

 
والنحل داير علي راسي

 
بيتسابق علي همسي

 
اللي مش مسموع

 
ودمعه ضوء

 
وقوله أهـ مكتومه

 
تشق الصخر ينفجر ينبوع

 
ترويني قبل طلوع الروح

 
أمل وشجون

ونسمايه تعدي بحور

وتهديني لطريق مفتوح

امشيه تاني م الاول

ولا منه رجوع..

mahmoud aly

...
وبعاتب نفسي
اني طوعتك
مكنش قصدي
اجرح بقلبك
مع اني عرفك
دايما عنيد
وان كنت ناوي
ابداء وداوي
وخليك جريء
وارمي بياضك
بكلمه حلوة
تلاقي مني
اخلاص اكيد
يا حب عمري
يا كل املي
اشوفك سعيد
mahmoud aly

ما بالكٍ
لا تكترثين
الم تعرفي مباديْ التكوين
وانكي انثي
مخلوقه من طين
فأنصتي
ولا تبارزي
من في ركابه تسيرين
فسوف تخسرين
أن لم تلتحفي بعبائتي
وتبكين...
mahmoud aly

فسري

مش عارف بجد
ابتدي منين الكلام
مش لاقي اى حاجه
أقدر بيها أوصفك
تعالي معايه فكري
وفسري ايه معني الاحلام
اللي دايما بتؤرق مضجعي
واوعي تقوليلي ده كابوس
لآحسن بجد اكرهك.
شوفت مرة يجي كده من كام سنه
ان انا وانتي علي متن سفينه
والموج بيقرب علينا بيطلب مودتي.
والسما فاتحه اديها
والسحابه الزارقه بتضلل عشنا..
يلا فسري..
mahmoud aly

يا ما قولتي

مش هروح لايه حته........ ليا فيه حتي ذكري
افتكر بيها الجراح
يكفي مرة قولتي فيها....... انت ساكن بالفؤاد
كان كلامك سهم بقلبي. وبأديكي لمسه حنان
مش هروح لايه حته ..الا لما احس بـ الامان
يا ما قولتي.وخلفتي وعدك
يا ما كنتي نبض قلبي........ خارج حدود المكان
كنتي كنتي.. ولما كنتي....... اتغيرتي عما كان
هو ده حالي معاكي
لما اكونلك فاردلك جناح
ترجعي تاني لعهدك
مغرورة بوهم الجمال
mahmoud aly

سيبك منهم

سيبك منهم
ده مفيش غيري
غارق دايما فـ ألآحلام
وغطايه بـ الصيف أمطار
منها بشرب والباقي
بزرع احضان..
سيبك منهم
ده مفيش غيري
واقف صامد كأألاشجار
مهما تقص بفرع بيكبر
واوراقها م تدوق حرمان
اصلها ثابت ذي المدنه
جوه قلوبنا بتزيد اشجان
سيبك منهم
ده مفيش غيري
بكرة الريح هتعدي قوام
والموجه مسيرها هتهدي
وتقول كانت أيام...
سيبك منهم
وتعالي بـ حضني
ونغني الثعلب فات..
mahmoud aly

اعلني رفضك للحياه

شكلي عاملك مشكله
ومش قادره ليه تفضفضي
طب اهربي لو مني تقدري
وقرري...وقولي
للشمس م تشرقي
ولا تشتكي
 من زهرة جات قبل الميعاد
 لتزينك وتجملك
وتضيعي  فرصه أنك بيه تحلمي
وتعشقي..
فين هيه المشكله؟
انك تندبي علي عمر عدي وفات
من غير ما تتكلمي.
اتكلمي
واعلني رفضك للحياه.
جوه سجون الحياه
دقتي فيه كل المرار
وعايشه وحدتك.
متغزله بتوب الكبرياء
انك تعلني
وتكسري كل ألآالم
وتطيري ويا السحاب
وتعشقي
وتعشقي..
mahmoud aly

تعال لفوق

أنا اصلا انسان مش عادي
فزيدي الخطوة المرادي
وتعالي قوام..
واديني من كاسك حلٌوه..
وغني كا العاده وطيري.. ذي الفرشات.
وخديني علي جناحك مرة..
مش عايز احس الغربه.تاعبني الشوق.
انا عايز افضل وياكي..
ونجوم السما بتنادي .تعال لفوق..
واعيش انا وانتي لوحدينا.
ولا ننزل للارض بيوم.
ليكون العشاق ذيينا..
فوله واتقسمت نصين.
mahmoud aly

كله بوقته..

مش معني اني سامحتك
يبقي نسيت جرح بـ قلبي
فمتقلقش كله بوقته
يمكن تصحي
من الغيبوبه وتعرف غلطك
وتراجع نفسك..
وترجع تاني ذي عوايدك
مش شمتان..
اني سهرت الليل تاني لوحدي
اني ناجيت النجمه وسألت عنك
قولتها خلاص.. بعدت عني
وانا ندمان..
مش ندمان لهجرك ليه وانا محتاجلك
مش محتاج نظرة عطف ولا ضمه قلبك
انا مرتاح انك فوقت ورجعت لعقلك
وبقيت انسان..
تخلص ليه تلاقيني بحضنك
تطلب عيني ولا ثانيه أتاخر
يا حبيبي عليك...
mahmoud aly

ايه يا دنيا..

ايه يا دنيا اللي ناويه

 تاني فيه تعمليه.
ضرب .

والضرب في جتتي علم عليه
واترسمت عليه كل الخرايط

 من الترعه للمحيط
سجن .

هو ده اختصاصك وواخده جايزة فيه.
قتل.

 مش محتاجه وصيه عليه
حتي المقابر معتش في مكان حتي للرجلين
ايه ولا ايه احكيلك عليه.

منتي عارفه
وعامله مش واخده بالك

 وربي شاهد عليك
mahmoud aly

خربشه لم تكتمل

مهو مش معقول كل يوم
عايزاني اثبتلك اني بحبك..
يااااا انتي ايه يا شيخه
مش بتزهقي
من كتر السؤال.
طب حاولي مرة تسأليني؟
انا اصلا حبيتك ليه.
بس برده مش هريحك
بس هقولك كلمتين.
ب
ح
ب
ك
mahmoud aly