الورده لو حتي دبلت
العطر متعلق فيها
ومهما تسرق ورقها
الندي مغطيها

انت اسمك سارق
وهيه الرب حاميها
اتكسف مرة علي دمك
وباخلاقك ربيها
mahmoud aly

ملعون ابوه الذل

 عايز مرة ابقي فاهم
اللي بعيونك ده يبقي ايه؟
واوعي مرة تقولي عادي
لا والله مهو عادي..

 السحر باين عليك
كل مرة ابص فيهم..بتوة كتير

 وافضل اعافر واعمل نفسي واقف تمام
والحقيقه بكون سارح واتمني اكون بين اديك

انت مش انت وانت شارب من كيعان المر بمزاجك
مهو كله بمزاجك ورضيت تقف بالصف وبايدك كاسك
مش هتموت ناقص عمر ولا هيزيد ميراثك
العطش اساسه صوم يلي فتحت للشيطان بابك

رجعتي تاني ليه تفرقي في ولادك
واحد تبوسيه على الخد والتاني بمداسك
ملعون ابوه الذل ان كان نبراسك
ياريت يا ست الكل تاخدينا باحضانك
mahmoud aly

مستني ايه

لسه باقي كام ولد
م اتولد
مستني ايه...
ولا حملك م اكتمل
ولا انت رافض تتولد..؟
جنسك ايه..
يلا اعترف.
لسه ميعادك م الفطام
ما اتحسم.
قوم يا ولد.. خد نصيب ألآسد
متحفش م القرود
كبيرها تتنطط علي الفروع
وتسكن بأعالي الشجر
أخرتها كده.
يمكن فوران البركان
لازم يكونله كام بيان
شمس تشرق قبل الميعاد
مطرة تنزل قبل الاوان
وريحه العرق
عطر يملي بالمكان
يمكن سبب..
mahmoud aly

جرعه أمل

باقي من الزمن
ورقه وقلم
يسجل اللي فات
من ألآلم
ويرسم بالمطر أيات
فيها اللي غدر
وفيها اللي اشتكي
هروب القمر...
وانا والزمن حكايات
معقوده بقدر..

سد شقوق الحيطان
بشويه عرق
ونفخه من غبار ألآرق.
قيس حدود المكان
بدراع ممدود للامام
خد نفس عميق
وخلي الزفير ينكتم
يمكن تموت..
يمكن تفوت للمنتهي
واجمع خيوط العنكبوت
اللي معشش من زمن
صورتك لسه في الوجود
متشعلقه بخيط القلوب
اللي اتوجع.
مستني جرعه امل.
mahmoud aly

استحاله تفرقنا سحابه

مارس طقوس الليل
واروي الطيبه تلاقي الكل
ورود بريحه الفل
وانزع الغل من قلبك
وراجع ضميرك
ان كنت علي حق
المولي أكيد هيعينك

وامسح دموع القلق
انا مش مسامح
وازرع 100 فدان ألم
وارويهم ندم
مش هسامح لو المطره نزلت
ولو الشمس شرقت علي جبيني
انا مخاصم...
مع انه مش من طبعي
ولاكني هحاول
امشي علي الميه
وهغرق الخوف اللي جوايه.. غصب
وهسيبك ورايه
يمكن خطوتك عرفه مبتغايه
يمكن..
يمكن القمر يتوه بالمدار
ويقول استحاله
نتجمع وتفرقنا سحابه...
mahmoud aly

زينه

لما الضحكه
تدفن بالتراب
وزينه تموت
بالاغتصاب
يبقي علي
الدنيا السلام
ضاع فيها حتي الامان
ضاعت بسمه بـ وش زينه
والسبب
مفيش رجوله
باستباحه الرزيله
لما طفله بعمر زينه
دمها يكون مستباح
اه واه علي قلب امك
اللي م هيبطل صراخ
اه واه والف اه
لو تارك معاكي مات
الف اه وكم الف زينه
راحو دمهم بلاش..
mahmoud aly

ايوة نفسي

ايوة نفسي
 ومنايا اشوفك
وكل املي..
 المس كفوفك
وتكوني عيني
 واكونلك مرايه
وتلاقي نبضي..
 سابق هوايا
مهو املي.
 تكوني قصادي
وكل عمري..
 وقصه هنايه
وان غبتي عني
 تكون النهايه
لقلب حبك..
وان داري حٌبك..
 كانت بدايه
لقصه طويله..
اولها اسمك
ووشمك بقلبي
 فصول الروايه
منايا اشوفك
 واحضن همومك
وتكوني يا عمري
 كل الحكايه
mahmoud aly

بحبك يا بهيه

طبعا حلوة ليك ووحشه ليه..
يلي عامل كبير ..حقك عليه..
بس ياريت تفتكر ... دامت لمين.

الدور هيجي عليك..والشمس هتزغلل عنيك
والتوبه هتروح من اديك..لو م اخلصتش النيه..

هيه حلوة ليك..طب فين الحرمانيه؟
فين الضمير اللي صاحي..
فين حق اللي ماتو من ولادك يا بهيه؟
طبعا اكيد نسياهم
زي اخواتهم اللي فاتو..وتقولي راحت الديه
لا وحياه اللي غني..وباعلي أعلي صوته
هتفها سلميه...
حقه اكيد هيرجع .والجرح اللي كان بيوجع..
دى شهاده رمزيه..
يا بلدي روحي فداكي.لو طلبتي حتي عيالي
هقدمهم هديه.....
بحبك يا بهيه....
mahmoud aly

جواب

صمت بـ صمت
والبادي يستحمل
ولا يشتكيش
نقص م الاشواق
انا عن نفسي
يكفيني نظرة من عينك
اكون مشتاق..
منا مشتاق..وبتصلب.
وبحاول اجرجرك بكلام..
وده عشق م الاخر
مش بس غرام.
وايه رائيك نترجمه بعناق
منا مخنوق
ومضايق.
وعامل فرحان.
فبلاش تصدقي كل افعالي
وكل حنوني بكون ولهان
لالمس اديكي مرة
والعب بشعرك مرة
واكون غرقان
ببحر عيونك
وتنهيدتك ..وقٌوله اهـ
بتنسيني عذاب ليلي
وانا سهران بكتبلك يا نور عيني
جواب..
بحبك وده قوٌلي..
mahmoud aly

مكمل ومش تعبان

ولسه بينا حوار مفتوح مخلصش.

فبلاش داعي للتطنيش.

وتكشيره علي وشك مبتروحش..

 مكمل ومش تعبان
ولا مليت
ولا تقولي اخرتها ايه
لاني مش هسمع غير ندا قلبي
قولتي ايه؟
معايه ولا ضدي
حساني ولا عامله طناش
لامساني
ولا رفضاني
ولا ناويه تبيعيني بلاش..
ميهمش..منيش زعلان
ولا مضايق
ولا هعمل منها حكايه
واديني ساكت م بتكلمش
واديني ساكت..

طب قولي

ايه اللي باقي من همومك
لسه معرفتوش
ردي...
طب باشارة بصباعك شاوري
وانا من نفسي هقول..!
مهو اللي فيكي انا دايقه
وكل يوم مرارته بتزيد
وعلي الريق بشربها ساده
مهي عاده....
واخرتها ايه؟؟
قولي متتكسفيش
متخفيش..
منا ابن بطنك...
وشرياني بيجري فيه دمك..
طب اسئلي أرضك..
اتروت بدم مين؟
طب انا مين....
هتعرفيني..ولا هتنكريني
ولا اقولك......
قولي  ده م يشبهنيش..
mahmoud aly

أنا معتوه بحبك

اسجن سنابل القمح
جوه صوامع البدن
وسقف بأيدك الناعمه بقلق..
وابدر خيوط الحزن علي الملا
وشم نسيم الصبح وابتسم
العدل قال كلمته
واليل غير وجهته
بالمفترق جاب اخرته
وبدايه مقتله..اتولد ألآلم..
لسه العيال الصغار مفطومه م الكلام
بترضع م السما بركان ندم
ومع اول نجمه دب الامل بالنفوس
رسمت علي الجدار..خيال المأته
اللي معشش علي سطح القمر بدر لم يكتمل

أقتلو اللي باقي من
عيدان التمر علي نخلي.
وامنعو الطير يرفرف وياكل من راسي.
منيش مصلوب.ده انا المحكوم علي طردي
من جنات فرعونك .من ليلك اللي بي مسحور
من حلمي اللي بات مكسور
وباح دمي..
ده انا ايوب..والصبر مل من صبري
انا معتوه بحٌبك.. وكان قدري
يسكني طين أرضك..
mahmoud aly

الله يسامحك

مهما كلامك يوجع فيه
مش مستغرب
وليه استغرب
اصل طبعك م هـ يتغير
وليه يتغير
هو ده ...انتي
لما حد يقولك
كلمه يتغزل فيكي
ودقه قلبه تنادي عليكي
تعملي مش سمعه
تعملي مضايقه
بس عنيكي غير افعالك
فاضحه حبك المداري
طب ليه بتداري عشق بقلبك..
راجعي مرة كل كلامي
وفسري فيه..
مش هتلاقي كلمه
جرحت فيكي
مش هتلاقي
غير الغيره جوه عنيكي
وانا مليتها..
طب اخرتها
اني اسيبك ويا الحيرة
تقلق نومك وفكرك فيها
علي طول شغلاكي...
وانتي البدأ بظلمك ليه
وكل كلامك يجرح فيه
دلوقتي بس اقدر هقولك
مش مستغرب ابدا منك
والله يسامحك...
mahmoud aly