الوقت الحلو لسه مجاش

بطريقه كانت
هيعدي عليك الوقت
تتلفت فجاءة يمين بعديها شمال
في الحالتين
مفيش غيرك يضحك علي نفسه
مفيش غيرك حاسس طعم الشوك
وريحه الورد
والقلب..يطلع ينزل ع الفاضي
دقات متلاحقه
بتابع جدا اي حوار ب المديا
وقت فراغك لما تكون الناس حواليك
اما لوحدك
ده حوار جامد
ميحسوش
غير جراح بيقفل جرحك
بطريقه كانت
الوقت الحلو لسه مجاش
يمكن صاحب عارف طبعك ف بيستحمل
تقل ف دمك
او انسان في جواه
صحرا لتزرع اللي يناسبك
برده اتأخر..
ولا حبيبه لسه جنين
برحم الدنيا
لسه معادها برده
مجاش......
mahmoud aly

بنكره بعض

بقينا نشيل من بعض

ونمشي في الطريق عادي

لا يوم حسينا كام كنا

ولا عرفنا قيمه الوقت

واخدنا الحياه بالغصب

تطوحنا

تمرجحنا

تبعدنا لابعد شط

بنكره بعض وانا عارف

لكنه الفرض اللي مقسوم لي

كأنه عرض

ولازم اشوفه للاخر

صمت في صمت.....

mahmoud aly

مين يسأل

ومين يسأل عن عمرك 

عن قلبك

 عن ضلع مناكف ضلك

عن حب مزيف بان ف عنيه..

عن دمع يوماتي ملازم حضنك

هونت عليه...

عن ضحكك

عن حزنك

عن فرح اتأخر وقته

رغم الجري عليه......

مش وقته اني افضفض

ولا حد بعقله يفكر

اني بطالب ...حجر

ووصايه ......ليحن اليك..

Mahmoud aly

هتعيش عبيط

لحد امتي هتعيش عبيط 

........وخايب

لحد امتي تمد ايدك 

........وسايب

لحد امتي تروي دموعك

........للورد

وريحته عنك غايب

لحد امتي بتشوف

كل الخلايق

....يا ما فيك عابت......

عملت ايه؟

عملت ايه في الجروح

عملت ايه لما نويت

تفوتهم وتهاجر؟

عبيط.

.

ومن عبطك عليهم حنيت

ولسه برده

رغم الجحود..بعندك 

بتكابر.

......

mahmoud aly

عيشها بفرح

تقع وتقوم 

وده حالك من سنين مرت لا ضعفت

ولا قدرو يضعفو ايمانك ب الحب

مسيرها في يوم هتتعدل وتبقي تمام 

وتعيش ف زمن تاني بدون خيبات

بدون اوهام مرسومه بس لخذلانك

هيتغير كل شيء بالوقت 

وتتلون احلامك

هتيجي راميه احضانها بشوق

لو صابرك بقي حاله ملازمو بعقل

كل شيء بالوقت هيصفالك

كل شيء خسرته زمان

اكيد مكتوب في خانه الحظ

ممنوع م الصرف لاحزانك

فعيش الحياه كما المفروض

عيشها بفرح.

..

Mahmoud aly

مفيش تغيير

مهوش باين ليها تغيير

ولا باين جد في عنيها

سنين م الحزن شايلها

سنين ف الفرح ما شفتنيش...

واهيء ماشيه وادينا عايشين

نصاحب في الهموم ببلاش

ونتصاحب كأ ني مفيش

سراب الذكري بقي باهت

بيجي في وقت ما يلأنيش...

كأني صورة علي جدراها

محوطاها بشكل ما يشبهنيش

وادينا عايشين ف احلامنا

نفوق.نصحي ب أوهامنا

مهوش باين ليه تغيير....

mahmoud aly

متستهلش

كتر ب المحاوله وزيد

وارسم في الخطط عافر

وارمي الشمس ورا ضهرك

لو لسعت عنيك

واجري....

طلع كل اللي ف قلبك من عجز

مفيش معجزة من غير شقي

ولا في احلام من غير افكار وقت التعب

التعب أفه الحالم لو زهق..

خلي الطموح نجوم

وارفع القبعه لاي حافز يعجزك

كام مسافر بتأشيرة خروج

بأحضان الهموم...رجع

متختفيش عن الانظار ويا الضباب

مفيش ضباب من غير عياط

ومفيش قزاز من الكتابه عليه هرب

اثبت مكانك 

ده المواجع مهما اشتدت عليك

هيجي بعديها فرج..وفرح

والدموع اللي سببتلك حرج

هتقوي ...وتضحك يوم عليه...

الدنيا يا صاحبي متستهلش

منك غضب..

Mahmoud aly